Sipas tij, kjo është një mënyrë e duhur për ta ngritur vetëdijen tek ata të cilët përveç dëmtimit të buxhetit, krijojnë edhe pa barazi në treg.
‘Ne kemi bërë propozim që në draft ligjin e ATK-së, të aplikojmë masa tjera ndëshkuese në drejtim të mbylljes së bizneseve. Pra, në rastin kur një tatim pagues vazhdon të bëjë shkelje të mos lëshimit të kuponit fiskal, atëherë biznesi fillimisht do të mbyllet në periudhë 3 ditore. Pastaj, nëse prapë vazhdon të mos e respektojë ligjin, do mbyllet tërësisht. Pra ideja është që të ngritët vetëdija që mos lëshimi i kuponit fiskal është një vepër e cila përveç dëmtimit të buxhetit, në të njëjtën kohë krijon pa barazi në treg”, tha ai në emisionin “Këndi i Debatit” në Tëvë1.
Administrata Tatimore e Kosovës, rikujton të gjithë personat, të cilët merren me aktivitete afariste se në bazë të legjislacionit tatimor, të gjitha bizneset që janë të pajisura me Pajisje Elektronike Fiskale si Arkë Fiskale, Printer Fiskal, Sistem Fiskal janë të obliguara të lëshojnë Kupon Fiskal, si dhe të bëjnë dërgimin e raporteve periodike në ATK.
