Tutje, ai bëri të ditur se njëkohësisht edhe Ministria e Ekonomisë ka përgatitur një pako tjetër për masa mbështetëse.
“Kjo qeveri çdo cent që e mbledh që paguajnë qytetarët, e kthen te qytetari përsëri, mirëpo prioritet të jena ata që kanë më së shumti nevojë. Sa i përket subvencionimit të faturave të energjisë elektrike, kjo masë do fillojë që nga muaji shtator, andaj është e rekomandueshme që secili nga ne duke filluar nga ky muaj, të kursejmë sado që është e mundur energjinë elektrike. Ministria e Ekonomisë është njëkohësisht duke përgatitur edhe një pako tjetër për masa mbështetëse, po ashtu edhe masa tjera që ndikojnë në reduktimin e konsumit të energjisë elektrike dhe në kursimin e buxhetit familjar”, tha Murati.
Ndërkaq, Murati tha se projektligji për punë publike, do procedohet po ashtu edhe në Qeveri e Kuvend për miratim.
Teksa, shtoi se kriteret dhe shpallja për tërheqjen e mjeteve, do paraqiten me kohë.
“Sa i përket projektligjit për punë publike, ky projektligj është draftuar tashmë dhe është lëshuar për konsultime të brendshme, pastaj do të procedohet edhe në Qeveri e në Kuvend për miratim. Sa i përket masave tjera, pra dyfishimi i asistencës sociale do të fillojnë nga ky muaj, gjithashtu edhe shtesat në pagë për sektorin publik do fillojnë nga muaji shtator, kurse çështjet tjera për pensionistët do bëhen në muajin tjetër, ndërsa për studentët në muajin nëntor, e kështu me radhë. Për të gjitha këto, kriteret dhe shpallja do bëhen me kohë”, shtoi tutje ai
