Kryeministri i Kosovës, Albin Kurti, para pjesëtarëve të FSK-së, ka thënë se synimi për anëtarësim në NATO është bërë më i qartë se kurrë gjatë qeverisjes së tij.
Ai në ceremoninë e organizuar në kazermën e FSK-së “Adem Jashari”, në 26 vjetorin e “Epopesë së UÇK-së”, tha po bëjmë çdo ditë hapa drejt NATO-s dhe këtë po e bëjnë me modernizmin dhe rritjen e ushtrisë.
“Synimi ynë për anëtarësim në NATO është bërë i qartë publikisht prej Qeverisë tonë dhe po bëjmë hapa çdo ditë drejt saj. Ky synim është bë i hapur më shumë se kurrë me mbështetje qeveritare me modernizimin dhe rritjen e ushtrisë tonë. Ushtri të cilën e kemi më të fortë se kurrë”, ka thënë Kurti, përcjell teve1.info
Kurti duke folur në këtë ceremoni ka thënë se pjesëtarët e FSK-së duhet të jenë krenar sepse siç ka thënë ai, i janë bashkuar një shoqërie që mbron demokracinë dhe paqen.
“Ushtri që i është shtuar shoqërive që mbrojnë demokracinë dhe paqen. Ne i mbahemi një ideali të kulluar të epopesë dhe Jasharajve, e kush i mbahet një ideali të kulluar del gjithnjë fitues, kjo është fryma e “Epopesë së UÇK-së”, e për këtë duhet të jemi krenar dhe të dijshëm”, ka thënë Kurti.
