Prokuroria Speciale e Kosovës ka bërë hapa pozitiv në fuqizimin dhe kryerjen e rasteve në departamentin e krimeve të luftës.
Kështu deklaroi, ushtruesi i detyrës i kryeprokurorit të shtetit, Besim Kelmend, gjatë konferencës vjetore, derisa shtoi se vetëm në vitin 2023, janë zgjedhur 20 raste të këtyre krimeve.
Megjithatë, Kelmendi vlerësoi se përkundër sfidave që kishin në vitin paraprak, përsëri i konsideruan efikase për institucionin e Prokurorit të Shtetit, shkruan teve1.info.
“Viti i kaluar ishte një vit sfidash, por mjaft efikas për Institucionin e Prokurorit të Shtetit. Lidhur me krimet e luftës, edhe pse në kohën e UNMIK-ut e EULEX-it, pritjet ishin shumë më të mëdha, megjithatë nuk kishim rezultate të kënaqshme. Kurse sot, kur Prokuroria Speciale e Kosovës ka marrë të gjitha kompetencat sa i përket këtyre krimeve, tani janë bërë shumë hapa pozitiv për fuqizimin dhe kryerjen e rasteve në departamentin e krimeve të luftës, duke ngritur të gjitha kapacitetet në përputhje me strategjinë, përjetimin e krimeve të luftës, ku vetëm në vitin 2023, PSLK-ja ka zgjedhur 20 raste të tilla”, deklaroi Kelmendi gjatë konferencës.
Ndër të tjerash, Kelmendi tregoi se Prokurori i Shtetit ka trajtuar me shumë seriozitet edhe rastet e terrorizmit dhe rastet e trafikimit të qenieve njerëzore.
“Prokurori i shtetit ka trajtuar me shumë seriozitet edhe rastet e terrorizmit, duke përfunduar 24 raste, me 26 persona. Në vitin 2023, prioritet i është kushtuar edhe rasteve të trafikimit të qenieve njerëzore, duke i zgjedhur 52 raste, me 80 persona”, potencoi tutje ai.
Në këtë konferencë të pranishëm janë edhe ambasadori i Shteteve të Bashkuara, Jeffrey Hovenier, njëherit shefi i Zyrës së Bashkimit Evropian, Tomas Szunyog.
Po ashtu, kryetari i Gjykatës Supreme, Fejzullah Rexhepi, kryesuesi i Këshillit Gjyqësor, Albert Zogaj si dhe kryesuesi i Këshillit Prokurorial, Ardian Hajdaraj./teve1.info/.
