Qeveria e Kosovës ka dalë me sqarim pas kritikave për miratimin e Ligjit për Komisionin e Pavarur të Mediave të enjten në Kuvend.
Sipas Qeverisë, ligji sjellë barazi dhe konkurrencë në treg. Në sqarim thuhet se ligji në plotëni është sipas direktivës për Shërbimet e Mediave Audiovizuele (AVMS).
“Ky Ligj në radhë të parë sjell barazi dhe konkurrencë të shëndoshë në treg. Kjo, sepse ky Ligj në plotëni përcjell direktivën për Shërbimet e Mediave Audiovizuele (AVMS) të Bashkimit Evropian, hartuar nga ekspertët e Bashkimit Evropian. Gjatë konsultimeve e dëgjimeve publike të organizuara nga Zyra e Kryeministrit, u dëgjuan shumë palë, ekspertë të fushës, pjesëtarë të medias e shoqërisë civile. Të njëjtit u takuan edhe me ekspertët që kanë hartuar Ligjin, po ashtu nën organizimin e Zyrës së Kryeministrit”, thuhet në nga Qeveria e Kosovës.
Poashtu nga Qeveria kanë thënë se i kanë ofruar takim të veçantë Asociacionit të Gazetarëve të Kosovës për tu siguruar që shqetësimet e tyre do të adresohen.
“AGK-së i ofruam edhe takim të ndarë me ekspertët pas komenteve të tyre, për t’u siguruar që shqetësimet e tyre adresohen nga ata më të kualifikuarit e fushës së medias brenda BE-së”, thuhet tujte.
Për miratimin e këtij ligji i cili në seancën e së enjtes u votua vetëm nga deputetët e shumicës, ka reaguar edhe Zyra e BE-së në Kosovë dhe ambasadori i Gjermanisë, të cilët janë shprehur të shqetësuar.
Poashtu edhe AGK-ja ka shprehur shqetësimin e saj për ligjin.
