Kryetari i PDK-së, Memli Krasniqi, ka zhvilluar një takim me të dërguarin special të Bashkimit Evropian për dialogun Kosovë-Serbi, Miroslav Lajçak, gjatë Forumit Diplomatik të Antalisë.
Krasniqi theksoi se gjatë bisedave ka kërkuar nga Lajçaku të luajë rolin e një ndihmuesi për të ndikuar në heqjen e masave ndëshkuese të BE-së ndaj Kosovës.
“Në kuadër të diskutimeve tona, fokusuar kryesisht në zhvillimet politike në Kosovë, i shpreha shqetësimet e mia lidhur me masat ndëshkuese të BE-së dhe i bëra thirrje ai të angazhohet në luajtjen e një rol ndihmues për të ndihmuar në heqjen e tyre.Sinqerisht, besoj se orientimi euro-atlantik i qytetarëve dhe shtetit tonë është i pamohueshëm dhe i paalternativë”, shkroi Krasniqi në postimin e tij në Facebook.
