E deklaratave të presidentit të Serbisë, Aleksandar Vuçiq iu përgjigj sot kryeparlamentari, Glauk Konjufca. Ai tha se Kosova është në një rrugë të re dhe nuk frikësohen nga kërcënimet e Serbisë sepse në veriun e vendit janë institucionet e sigurisë të Republikës, derisa thirrjen e Vuçiqit për kthim në institucione të serbëve dhe zgjedhje të reja atje po e mirëpret Bashkimi Evropian.
Tri ditë më parë, doli me deklarata kërcënuese për shtetin e Kosovës.
E të hënën, kryetari i Kuvendit të Kosovës, Glauk Konjufca tha se këto kërcënime të presidentit serb, Aleksandar Vuçiq nuk i bëjnë përshtypje.
Sipas Konjufcës, në veri të vendit ndodhen institucionet e sigurisë.
Ai tha se vendi tashmë ka marrë një drejtim të ri dhe strukturat paralele serbe gradualisht po largohen.
E njëra nga kërkesat e Vuçiqit ka qenë edhe kthimi i serbëve në institucionet e Kosovës dhe zgjedhje të reja atje.
Këto kërkesa i kanë mirëpritur Bashkimi Evropian.
“Ne e mirëpresim gatishmërinë e shprehur nga presidenti Vuçiq për të vazhduar angazhimin në dialogun e lehtësuar nga BE-ja. Pozitivisht e marrim edhe thirrjen e tij për serbët e Kosovës, që të marrin pjesë në zgjedhjet në Kosovë dhe të riintegrohen në të gjitha institucionet e Kosovës, nga të cilat janë larguar në vitin 2022”, ka thënë Stano.
Më 5 nëntor të vitit 2022, serbët u larguan nga institucionet e Kosovës.
