KFOR-i e dënon ashpër sulmin kundër Policisë së Kosovës në veri, ku si pasojë mbeti i vrarë një zyrtar policor dhe një tjetër u plagos.
Njëherit, KFOR-i ka bërë të ditur që po monitorojnë nga afër situatën në veri me organizatat vendore dhe ndërkombëtare të sigurisë.
KFOR-i po monitoron nga afër situatën në veri të Kosovës me organizatat vendore dhe ndërkombëtare të sigurisë. Nën mandatin e tij të OKB-së, KFOR-i mbetet fuqishëm i përkushtuar ndaj sigurisë, i gatshëm të miratojë masat e nevojshme për ta mbajtur Kosovën të sigurt. Misioni i KFOR-it i udhëhequr nga NATO dënon ashpër sulmin kundër Policisë së Kosovës dhe dërgon ngushëllimet më të thella për familjen dhe të dashurit e të ndjerit”, kanë shkruar në Twitter.
Ndërsa, Policia e Kosovës pak momente më parë, njoftoi se është vrarë një pjesëtar i grupit që sulmoi Policinë.
Ministri i Punëve të Brendshme, Xhelal Sveçla, ka thënë se sulmi ndaj Policisë së Kosovës, është bërë nga një grup profesionistë i armatosur rëndë.
Teksa grupi i armatosur serbë është rrethuar nga Policia e Kosovës e cila ka vendosur edhe perimetrin e sigurisë./teve1.info/.
The NATO-led KFOR mission strongly condemns the attack against the Kosovo Police and sends deepest condolences to the family and loved ones of the deceased.
— NATO Kosovo Force – KFOR (@NATO_KFOR) September 24, 2023
