Islami tha se nuk mund të tërheqë paralele mes Ukrainës dhe Kosovës.
“Edhe pse Kosova është e njohur mbi 100 shtete ende nuk është anëtare e Kombeve të Bashkuara” shtoi tutje Islami.
Ai tha se “Serbia nuk mendoj që mund të ndërmarrë ndonjë hap të ngjajshëm siç ka marrë Rusia, sepse implikimet e mundshme të vendeve fqinjë dhe NATO-s janë si kurrë më parë”.
Sipas tij, ndihmesa e Rusisë në raport me Serbinë është e pamundur dhe pasojat katastrofale do t’i barte vetë Serbia, si dhe politikat e Serbisë nuk do të ndërrmarin asnjë veprim në raport me Kosovën.
Ndërsa për sigurinë në Kosovë, ai tha se Shërbimet inteligjente nuk janë aktive vetëm pas situatës së krijuar në Ukrainë, por kanë qenë në vazhdimësi që nga përfundimi i luftës.
Ai nuk konsideron se diqka mund të jetë e rrezikshme për vendin tonë, duke shprehur falenderime edhe për strukturat e sigurisë, e sidomos për agjencinë kosovare të intelegjencës të cilët shihen se janë jashtëzakonisht aktivë.
Islami tha se “Kosova tashmë është prodhuese e paqes dhe sigurisë, prandaj kërkesa për tu bërë anëtare e NATO-s duhet të bëhet me procedurë të shpejtë, kjo do e forconte paqen dhe sigurinë në Ballkan”.
