Kryetari i Aleancës për Ardhmërinë e Kosovës, Ramush Haradinaj, i ka kujtuar dëshmorët Zahir Pajaziti, Hakif Zejnullahu dhe Edmond Hoxha, raporton teve1.info
Përmes një postimi në Facebook, Haradinaj ka shkruar se Zahiri, Edmondi e Hakifi ishin bërë një për lirinë e Atdheut.
“Zahiri, Edmondi dhe Hakifi, ishin bërë një për lirinë e Atdheut. Ideali i tyre mbetet përherë në themelet e të sotmes dhe të ardhmes sonë. Me përulje e krenari do i kujtojmë gjithmonë!”, ka shkruar Haradinaj duke i bashkëngjitur edhe një fotografi para shtatores së Zahir Pajazitit në Prishtinë.
