Kryetari i Komunës së Suharekës, Bali Muharremaj, ka reaguar pas grabitjes së armatosur nga katër persona në një argjendari të kësaj komune.
I njëjti ka thënë se ka marrë konfirmimin nga Komandanti i Policisë, që tashmë po punohet në zbardhjen e rastit, përcjell teve1.info.
“Sapo bisedova me Komandantin e Policisë, për rastin e grabitjes në një lokal në Suharekë, dhe u njoftova se po punohet në zbardhjen e rastit. Apeloj nga të gjithë që ta ruajmë qetësinë dhe të presim raportimin zyrtar. Uroj që ky rast të mos përsëritet kurrë në të ardhmen”, ka shkruar Muharremaj në Facebook.
