Për 5 muajt e parë të këtij vitit, Ministria e Bujqësisë ka shpenzuar rreth 30 mijë euro për dreka zyrtare, udhëtime, akomodim, bileta e mëditje. Shifrat që prijnë më së shumti janë në kategorinë e biletave të avionit.
Shumicën e kohës, nga ajo çfarë e prezanton në rrjete sociale, ministri i Bujqësisë e kalon nëpër ara, afër bujqve.
Por, cilat janë shpenzimet e dikasterit me të cilin udhëheq Faton Peci?
Nga të dhënat që ka siguruar, televizioni afër 30 mijë euro ka shpenzuar ministri i Bujqësisë Faton Peci së bashku me kabinetin e tij për 5 muajt e parë të këtij viti.
Të gjitha këto shpenzime përfshihen në kategorinë e drekave zyrtare, akomodimit, bileta të avionit si dhe mëditje.
Vet i pari i kësaj ministrie Peci ka harxhuar 11 mijë e gjysmë euro që nga janari i këtij viti.
Derisa prijnë shpenzimet për bileta me 4 mijë euro si dhe dreka zyrtare brenda vendit me rreth 3 mijë e gjysmë euro.
Dukshëm më pak ka harxhuar pjesa tjetër e kabinetit.
Shpenzimet e zv.ministrit Imri Demelezi kapin shumën e 4 mijë e 600 euro për të gjitha kategoritë.
Nga të gjitha këto kategori, prinë ajo e biletave ku i gjithë kabineti në total ka shpenzuar 12 mijë e 447 euro.
Dy kategori tjera ku është evidentuar harxhim më i madh është akomodimi dhe mëditja që se bashku bëjnë 14 mijë e 855 euro për gjithë kabinetin.
Pikërisht në këto dy kategori dhe bileta, shefi i kabinetit Mentor Tahiri ka harxhuar nga kuleta e ministrisë 4 mijë e 286 euro.
Njësoj edhe këshilltarja politike Jehona Krasniqi ka shpenzuar 1 mijë e 770 euro.
Këto të dhëna për 5 mujorshin e parë të shpenzimeve, Ministria e Bujqësisë i ka dërguar pas kërkesës së televizionit për qasje në dokumente zyrtare.
