Një veturë është djegur sot në rrugën “Muharrem Fejza” në Prishtinë.
Rastin për teve1.info, e konfirmoi zëdhënësja për rajonin e Prishtinës, Flora Ahmeti, teksa bëri të ditur që përveç dëmeve materiale, s’ka pasur persona të lënduar.
“Sot rreth orës 15:00, është raportuar se në rrugën “Muharrem Fejza” në Prishtinë , një automjet është përfshirë nga zjarri. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Përveç dëmeve materiale nuk raportohet për persona të lënduar”, thuhet në përgjigjen e Ahmetit.
Njëherit, ajo njoftoi se Policia ka nisur ndërmarrjen e veprimeve hetimore për sqarimin e plotë të rrethanave që karakterizojnë rastin./teve1.info/.
