Një person është arrestuar sot në pikën kufitare në Bërnjak.
Kështu ka njoftuar Prokuroria Speciale, teksa kanë bërë të ditur se i njëjti dyshohet për “krime lufte kundër popullatës civile”.
“Prishtinë, 27 prill 2024 – Prokuroria Speciale (PS), dhe Policia e Kosovës, njoftojnë opinionin publik se, sot, në pikën kufitare të Republikës së Kosovës me Serbinë, konkretisht në Bërnjak, është ndaluar një person me inicialet J.Š., i dyshuar se gjatë viteve 1998 – 1999, në Komunën e Gjakovës, ka kryer veprën penale “Krime lufte kundër popullatës civile”, thuhet në komunikatë.
Më tej, thuhet se me aktvendim të Prokurorisë Speciale, personi tashmë i arrestuar, është ndaluar për 48 orë.
“Me aktvendim të Prokurorisë Speciale, i njëjti është ndaluar për 48 orë, dhe brenda afateve kohore ligjore ndaj të njëjtit kjo prokurori do të bëjë kërkesë për caktimin e masës së paraburgimit nën dyshimin se ka kryer veprën penale “Krime lufte kundër popullatës civile”, përfundon komunikata./teve1.info/.
