Një 19-vjeçar ka plagosur me armë zjarri motrën e tij 25-vjeçare në Ferizaj.
Kjo është bërë e ditur përmes një komunikate të policisë për media, ku thuhet se i dyshuari është larguar nga vendi i ngjarjes.
Ndërsa, policia pas një veprimi të shpejtë ka arrestuar të dyshuarin.
Kurse, viktima është dërguar për trajtim mjekësor në QKUK dhe ndodhet jashtë rrezikut për jetë.
Policia ka bërë të ditur se në vendin e ngjarjes janë kryer të gjitha veprimet hetimore, ku është sekuestruar edhe arma e zjarrit me të cilën dyshohet se është kryer vepra.
“Rreth orës 10:00, Policia Rajonale e Ferizajt ka pranuar një informacion për një plagosje me armë zjarri në rrugën “Mejdi Xhaferri” në Ferizaj. Dyshohet se personi E.M. (19 vjeç, M/K) ka plagosur motrën e tij 25-vjeçare dhe është larguar nga vendi i ngjarjes. Pas një veprimi të shpejtë policor, i dyshuari është lokalizuar dhe arrestuar. Viktima, pas ndihmës së parë në Emergjencën e Ferizajt, është dërguar për trajtim të mëtejshëm mjekësor në Qendrën Klinike Universitare të Kosovës në Prishtinë dhe ndodhet jashtë rrezikut për jetë. Në vendin e ngjarjes janë kryer të gjitha veprimet hetimore, ndërsa është sekuestruar edhe arma e zjarrit, me të cilën dyshohet se është kryer vepra. Motivi i incidentit ende mbetet i panjohur dhe lidhur me rastin është njoftuar prokurori i shtetit. Për informacione shtesë do të njoftoheni me kohë”, thuhet në komunikatën e policisë./teve1.info/
