Në statistikat e Policisë së Kosovës thuhet se për tre mujorin e parë të vitit 2022 janë raportuar gjithsej 184 raste të incidenteve në shkolla apo afërsi të tyre.
Ismet Potera, hulumtues në Institutin Pedagogjik thotë që këto raste të dhunës ndodhin meqë disa prind nuk angazhohen shumë për fëmijët e tyre.
Por një prind thotë që kujdesin ndaj fëmijëve e ndan me bashkëshorten.
“Kordinohemi me gruan që të i mbikëqyrim fëmijët, po mundohemi edhe pse është bërë jeta dinamike, por që mosangazhimi i prindërve po ndikon në dukurit negative”, tha Astrit Kasapolli.
E këshilli i prindërve të Kosovës pati një kërkesë për institucionet.
“Prindërit nuk kanë mundësi të ndikojnë drejtpërdrejt tek fëmijët pas angazhimeve të tyre… Duhet merren masa, nga hulumtimi kan dal qe edhe prindërit edhe mësimdhënësit edhe nxënësit kërkojnë prezencë të shtuar të policisë në shkolla …”tha Jeton Demi – kryetar i Këshillit të Prindërve.
Kurse në shkollën ‘Qamil Batalli’ në Prishtinë rastet e dhunës janë të rralla.
“Bullizem apo ngacmime ka të vazhdueshme, dhunë fizike janë raste me te rralla…prej pandemisë e këndej ka pas ngacmime të ndryshme me dëmtime fizike por jo ekzagjeruese”, tha Liridon Maliqi, drejtori i kësaj shkolle.
E sociologu, Genc Xërxa tregon se si duhet të bien rastet e dhunës ndër nxënës.
Drejtoria e Policisë në Bashkësi dhe Preventivë në vazhdimësi realizojnë projekte të ndryshme sensibilizuese dhe parandaluese së dhunës në shkolla.
Raporti i gazetares Lendrina Kodrolli.
