Zëvendëskryeministri Besnik Bislimi ka pritur në takim një delegacion nga Sllovenia, të përbërë nga Sekretari i Shtetit Marko Stucin dhe Ambasadorja e Sllovenisë në Kosovë, Minca Benedejcic.
Në një komunikatë theksohet se Kosova dhe Sllovenia ndajnë marrëdhënie të shkëlqyeshme dhe se kjo e fundit mbështet rrugëtimin e Kosovës drejt integrimit evropian.
Po ashtu, zhvillimet e fundit në veri të vendit ishin temë diskutimi.
“Në takim u bisedua dhe mbi zhvillimet e fundit në veri të vendit, ku zëvendëskryeministri Bislimi tha se Kosova është shtet sovran, demokratik dhe në të drejtën e saj legjitime, për t’i shërbyer të gjithë qytetarëve të vendit, pa dallim”, theksohet në njoftim.
