Autore: Adea Mustafaj
Janë familjarët të cilët për herë të fundit, i pa 18 vjet më parë.
E që nga jo kohë, Rafije Tahirukaj, mallin për ta e shuan vetëm përmes këtyre fotografive.
E lindur dhe rritur në Gllamoq të Bosnje Hercegovinës, Rafija u martua në Kosovë.
Ndërsa në vendlindje, për herë të fundit, ishte në vitin 2008,kur i vdiq vëllai.
Por, as në ato momente, nuk u kursye nga policët serb gjersa po e kalonte kufirin.
”Në police serbe i thashë se nuk jam ka shkoj as për tregti as për asgjë tjetër, veç që më ka vdekur vëllai. I thashë: ‘Më të vdekur ty atje vëllai, a ishe shku?’ O moj Zot, filluan me u kryqëzu. Ma ka marr ai kryesori lejen e njoftimit, ia ka ç’kap foton dhe më tha ‘shko në dreq të mallkuar serbisht ma ka bërë”, shprehet ajo.
Qeveria e Kosovës, në vitin 2024, njëanshëm i kishte hequr vizat për qytetarët nga Bosnja dhe Hercegovina, që duan ta vizitojnë Kosovën.
Por një hap i tillë, nuk është marrë ende nga shteti boshnjak.
Arsyet për këtë, i ka treguar deputetja boshnjake e Kuvendit të Kosovës, Emilia Rexhepi.
“Hala nuk e kanë hequr prej Dhomës të Federatës atje, sepse duhet një konsensus me krejt anëtarët e kryesisë atje, me komunitetin serb, kroat dhe boshnjak. Na jemi vazhdimisht në kontakt me ministrin Konakoviq, sepse duhet me e kalu atë proces në vendet ministrore në Qeveri, pastaj me shku në Parlament për votim”, shprehet Rexhepi.
Por, pavarësisht vështirësive, Rafije Tahirukaj nga Qyshku i Pejës, ka shpresë që një ditë do ta vizitojë Gllamoqin.
“Kismet në paqe, bo zoti me qenë shëndosh e mire shkojmë. qysh mos me shku? siç ka thënë i moçmi, edhe qeni që ke pas në oborr të merr malli, jo për robin, e për familjen.“ “Tashmë më ka mbetur krejt pasuria e babës: tre shtëpi, baqe, pozllomi dhe shtatë hektarë tokë, aty nuk është kërkush… Vallahi po më merr malli edhe për gurin edhe për drurin. Po ra lufta në Bosnjë dhe bota po ftohke”, thotë Tahirukaj
Pavarësisht mallit për vendlindjen, në derën e shqiptarëve, Rafije tregon se i ka kaluar 64 vite martesë të lumtura.
“Në derën e shqiptarit e kam qu mirë, më kanë pas hatrin tonë. Pak ja bojsha, kur kanë ardhur dajtë e tyre i kam folur në gjuhë boshnjake dhe u thashë: ‘Kofshit pishmon që unë jam boshnjake, e di rrugën, ka jom ardhur’. Burri im, jo unë, s’e kam marrë për veti as për dere me dal jo. Dajt e tyre dhe pleqt tonë, jo, nuk jemi pishmon, hiq, mirëserdhe dhe e kam qu mirë me ta”, shprehet ajo.
Ndryshe, me 1 janar të vitit 2025, kryeministri i Kosovës, Albin Kurti, mirëpriti në ndërtesën e qeverisë, grupin e parë të qytetarëve të Bosnje dhe Hercegovinës që udhëtuan me letërnjoftime drejt Kosovës.
