Të paktën 178 palestinezë janë vrarë dhe 293 janë plagosur në 24 orët e fundit ndërsa forcat izraelite vazhduan sulmin e tyre në Rripin e rrethuar të Gazës, tha të dielën Ministria e Shëndetësisë e territorit.
“Okupacioni izraelit kreu 15 masakra kundër familjeve në Rripin e Gazës, duke lënë 178 dëshmorë dhe 293 të plagosur gjatë 24 orëve të fundit,Shumë njerëz janë ende të bllokuar nën rrënoja dhe në rrugë pasi shpëtimtarët nuk janë në gjendje t’i arrijnë ata,” thuhet në deklaratë, transmeton Anadolu.
Forcat izraelite bombarduan një ndërtesë banimi në lagjen Zaytoun, në lindje të qytetit të Gazës, duke rezultuar në vdekje dhe plagosje, njoftoi agjencia palestineze e lajmeve Wafa, duke cituar burime mjekësore.
Tre palestinezë u vranë kur një dron ushtarak izraelit shënjestroi një automjet me të cilin po udhëtonin në tregun Yarmouk, shtoi agjencia.
Ndërkohë, granatimet e artilerisë izraelite shënjestruan lagjen Al-Manara në qytetin Khan Younis në Rripin jugor të Gazës, raportoi gjithashtu agjencia.
Një sulm ajror në kampin e refugjatëve Shati në Rripin e Gazës rezultoi në shkatërrim masiv, pa raporte të konfirmuara për viktima.
Të paktën një palestinez u vra dhe të tjerë u plagosën në një sulm ajror izraelit në lagjen Al-Amal në perëndim të Khan Younis.
Artileria izraelite granatoi gjithashtu zonat bregdetare të Deir al-Balah në Rripin qendror të Gazës dhe në afërsi të spitalit Nasser në Khan Younis për disa orë.
Me viktimat e fundit palestineze, numri i të vdekurve nga sulmet e vazhdueshme të Izraelit në Gaza që nga 7 tetori është rritur në 25,105, me 62,681 të tjerë të plagosur, tha ministria.
Izraeli ka goditur Rripin e Gazës që nga një sulm ndërkufitar nga Hamasi më 7 tetor, për të cilin Tel Aviv thotë se vrau afro 1200 njerëz.
Ofensiva izraelite ka lënë 85% të popullsisë së Gazës të zhvendosur brenda në mes të mungesës akute të ushqimit, ujit të pastër dhe ilaçeve, ndërsa 60% e infrastrukturës së enklavës është dëmtuar ose shkatërruar, sipas OKB-së.
