Ka vazhduar dita e tretë e dhënies së dëshmisë, të dëshmitarës së parë të mbrojtur në çështjen gjyqësore Thaçi dhe të tjerët.
Siç kanë raportuar Dhoma e Specializuar, dëshmitarja e parë e ZPS-së po vazhdon dëshminë, shkruan teve1.info
Seanca do të vazhdojë edhe javën tjetër, më 18, 19 dhe 20 prill.
Aktakuza nga ZPS-ja thotë se katër të akuzuarit dhe anëtarët të tjerë të UÇK-së ishin pjesë e e një “ndërmarrjeje të përbashkët kriminale” dhe “kanë ndarë qëllimin e njëjtë për të marrë dhe ushtruar kontrollin në gjithë Kosovën me të gjitha mjetet, përfshirë edhe frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë”.
Në nisje të gjykimit, javë më parë të gjithë ish-udhëheqësit e UÇK-së janë deklaruar të pafajshëm për të dhjetë pikat e aktakuzës.
Prokuroria argumentoi se qëllimi i përbashkët i kryerjes së krimeve nga të pandehurit ishte që ata të “fitonin pushtet në luftë, në Kosovë dhe ndaj personave që perceptoheshin si kundërshtarë të UÇK-së”.
