“Po du me i falenderu të gjithë, sa kanë pas mundësi me më ndihmu”, ka thënë Eljonisa.
Lotët kësaj radhe, i ka nga gëzimi.
Kjo meqë Eljonisa Krasniqi, mori lajmin se e ka fituar betejën më sëmundjen e leukemisë akute mieloide.
Me këtë sëmundje, 14 vjecarja ishte diagnostifikuar në qershorin e vitit 2025.
Prandaj, iu deshën t’i kalonte plot 9 muaj trajtim mjekësor në Mynih të Gjermanisë.
Eljonisa të hënën, nuk pati mundësi të flas gjatë nga emocionet e bashkimit me familjen.
Por, të lumtur për kthimin e vajzës shëndosh e mirë në shtëpi, po shprehen familjarët.
“Po është rëndë se njeriu tash kur nuk i ka ndodh ky farë rasti, është pak rëndë është për këto raste që nuk na ka rënë kurrë edhe na ka rënë papritmas, kupton. Po ne shyqyr Zotit mirë ia kemi dalë.”, ka thënë Krasniqi, babai i Eljonisës.
Për të mbajtur gjendjen nën kontoll, Eljonisa duhet të ju nënshtrohet kontrolleve të rregullta në repartin e Pediatrisë në QKUK.
“Tash i ka kontrollet rutinë çdo tre muaj, gjashtë muaj, një vit, po kjo zgjat në afat deri në gjashtë vjet. Domethënë e kemi një plan që e kemi marrë prej Gjermanisë, ai zgjat deri në gjashtë vjet. Po vitin e tretë rrallohen kontrollet, tani vitin e katërt më pak, vitin e pestë një herë në vit, të gjashtin një herë në vit. Edhe këto janë pak a shumë vetëm për arsye nëse terapia që ka marrë atje ka ndonjë efekt anësor.”, ka thënë djali o axhës së Eljonisës
Familjarët, shprehen falënderues ndaj gjithë atyre që e ndihmuan vajzën e tyre.
“Unë veç deshta me i falenderu krejt miqtë, dashamirët, ato vëllazërinë, kushërinjtë, çdonjëri që ka shprehur dëshirën me na ndihmuar. Se po mos të ishin miqtë e shokët dashamirë, ne s’kishim mund me ia dalë me sëmundjen e Elonisës.”, u shpreh axha i Eljonisës
Ndërsa gjatë gjithë kohës 14-vjeçares, afër i qëndroi djali i axhës, Fitimi.
“Lajmi me të thonë të drejtën ka qenë shok, se ne si familje asnjëherë më herët s’kemi pasur probleme ose ndonjë sëmundje në familje më herët. E kemi përjetuar, natyrisht, keq, por kanë reaguar shpejt edhe sëmundja u zbulua herët. Trajtimi ka nisur menjëherë, po fatkeqësisht nuk ka nisur në Kosovë”, la thënë tutje djali o axhës së Eljonisës .
Meqë kosto e trajtimit arrinte deri në 400 mijë euro, për shërimin e Elojnisës u kërkua edhe ndihmë publike.
