Janë gjetur të vdekur nënë e bir që ishin shpallur të zhdukur, në zonën e Metamorfosit në Kardicë pas vërshimeve në Greqi, duke e quar në 14 numrin e të vdekurve.
Dy trupat e gjetur në Metamorfosi u transportuan me një varkë të tërhequr nga një traktor. Të afërmit kanë shpërthyer në lot sapo kanë parë të afërmit e tyre të vdekur. Sipas informacioneve, bëhet fjalë për një 88-vjeçare dhe djalin e saj 65-vjeçar të cilët rezultuan të zhdukur.
Mëngjesin e sotëm u gjet edhe një 58-vjeçar i zhdukur nga Agios Dimitrios. Burri figuronte si i zhdukur që prej ditës së djeshme, më 9 shtator. Ai u gjet sot nga një dron midis zonave të Agios Dimitrios dhe Petrino. Ditën e djeshme në zonën detare të Turkonerit në Evia u gjet trupi i një burri, i cili u identifikua si një 77-vjeçar i zhdukur për shkak të motit të keq nga zona e Paltsit të Pelionit.
Sipas Mbrojtjes Civile, më 5 shtator një 42-vjeçar u gjet i vdekur në Agia Aikaterini Volos, më 7 shtator dy austriakë (ndoshta çift, mosha e panjohur) në Potistika Pelion. Më 9 shtator, një burrë u gjet midis vendbanimeve Agios Dimitrios dhe Petrino Karditsa. Në të njëjtën ditë, dy persona (një grua 85-vjeçare dhe djali i saj 65-vjeçar) janë gjetur në zonën e Metamorfosit të Karditës.
Gjithsej janë shpëtuar dhe evakuuar 4250 persona, të cilët janë dërguar në vende të sigurta, nga ora 07:00 e së martës, 5 shtator, deri në orën 07:00 të mëngjesit të sotëm, të dielën, 10 shtator, sipas informacioneve të Zjarrfikësve. Njëkohësisht, në të njëjtën periudhë kohore në Qendrën Operative të Zjarrfikësve janë marrë 9047 thirrje për pompim uji dhe prerje pemësh.
Niveli i ujit në disa prej zonave të prekura të Thesalisë po tërhiqet dalëngadalë, duke zbuluar dalëngadalë fatkeqësitë që la pas moti i keq “Danieli”. Qytetet dhe fshatrat mbeten nën tonelata ujë dhe baltë, rrjeti rrugor në shumë vende është shembur, urat janë ndarë në dysh, shtëpitë janë rrëzuar dhe fusha Thesalian është kthyer në një liqen gjigant, ku mijëra qytetarë janë shpërngulur nga shtëpitë e tyre./TCh/
