Shefja e Grupit Parlamentar të Vetëvendosjes, Mimioza Kusari-Lila i ka reaguar kryeministres serbe, Ana Brnabiq, e cila ka ironizuar me zgjedhjet që po mbahen sot në katër komunat veriore.
Kusari i ka thënë se kjo është dita kur Serbia humbi çdo mundësi për ndikim të mëtejshëm përmes zyrtarëve të zgjedhur të serbëve.
Sipas saj, i vetmi mjet i tyre për t’u përdorur janë bandat me të cilat deri më tani kanë terrorizuar serbët.
“Kujtoni këtë ditë. Kjo është dita kur Serbia humbi zyrtarisht çdo mundësi për ndikim të mëtejshëm përmes zyrtarëve të zgjedhur të serbëve. I vetmi mjet për t’u përdorur janë bandat me të cilat deri më tani kanë terrorizuar serbët. Është një ditë e vonuar, por më në fund është këtu”, ka shkruar ajo.
Ndryshe, Bërnabiq ka ironizuar me zgjedhjet që po mbahen sot në katër komunat veriore.
“Këto janë imazhet që përshkruajnë me të vërtetë “shtetin e së drejtës” dhe kuptimin e vërtetë të “zgjedhjeve demokratike” në Kosovë dhe Metohi të mbështetura nga BE-ja dhe Kuinti”, ka shkruar Bërnabiq në Twitter.
Bërnabiq tutje ka shkruar se Evropa e shekullit 21 është “mbajtja e zgjedhjeve në kontejnerë të përkohshëm nën mbikëqyrjen e drejtpërdrejtë të forcave të armatosura”.
“Kushtojini vëmendje OSBE dhe sigurohuni që t’ua rekomandoni këtë të tjerëve si shembullin më të mirë: mbajtjen e zgjedhjeve në kontejnerë të përkohshëm nën mbikëqyrjen e drejtpërdrejtë të forcave të armatosura. Zgjedhjet – të lira dhe të ndershme, me forca të armatosura dhe mjete të blinduara! Kjo është Evropa, në shekullin e 21-të”.
Sipas saj kjo tashmë do të bëhet “një normë e re demokratike, e prezantuar dhe e mbështetur nga krijuesit e “Republikës së Kosovës”.
Remember this day. This is the day when Serbia officially lost any possibility of its further influence through elected officials of 🇽🇰 Serbs. Only remaining tool for 🇷🇸 to use, are gangs with whom until now 🇷🇸 terrorized 🇽🇰 Serbs.
It’s a day long overdue, but it’s finally here. https://t.co/CTrsoHMEBA— Mimoza Kusari 🇽🇰🇺🇦 (@mimozakusari) April 23, 2023
