Deputeti i Partisë Demokratike, Bekim Haxhiu, ka reaguar pas raportimeve se mund të ketë humbje financiare në Trust, për shkak të mungesës së Bordit.
Andaj, Haxhiu ka shkruar se kjo situatë duhet ta shtyjë Qeverinë Kurti t’i lejojë qytetarët tërheqjen e Trustit.
“Humbjet që po pëson Trust-i duhet patjetër që të shtyjë Qeverinë ta riprocedojë kërkesën e qytetarëve për tërheqjen e Trustit.Albin Kurti, Hekuran Murati, Armend Muja dhe Mimoza Kusari – Lila duhet të përgjigjen para qytetarëve, pse nuk lejuan terheqjen e mjeteve nga Trusti dhe për humbjet që i ka pësuar Trusti gjatë vitit të fundit”, ka shkruar Haxhiu në Facebook.
Haxhiu ka vlerësuar se tani seriozisht po rrezikohen pensionet e qytetarëve me mos emërim të Bordit të Trustit.
“E kundërshtuan tërheqjen e 30% të Trustit në emër të sigurisë së pensioneve, sot po rrezikojnë seriozisht pensionet e qytetarëve me mos emërim të Bordit të Trustit dhe po vazhdojnë të rrezikojnë seriozisht paratë e Trustit që ato të humbasin në tregjet ndërkombëtare për shkak të paaftësisë së tyre”, ka shkruar tutje Haxhiu./teve1.info/.
