Ambasadori i Gjermanisë në Kosovë, Jorn Rohde, ka thënë se Kosova duhet të bëjë punë të vështirë para anëtarësimit në Këshillin e Evropës, derisa ka shtuar se kjo ende nuk ka ndodhur, raporton teve1.info
Në një përgjigje për Tëvë1 nga Ambasada e Gjermanisë në Kosovë, thuhet se dorëzimi i draft-statutit në Gjykatën Kushtetuese përpara mbledhjes së Komisionit do të ishte një hap i rëndësishëm për anëtarësimin e Kosovës në KiE.
“Vendet e QUINT-it dhe të tjerët kanë theksuar vazhdimisht se Kosova pritet të ndërmarrë hapa të prekshëm për themelimin e Asociacionit në mënyrë që të arrijë shumicën e nevojshme prej dy të tretave në Komitetin e Ministrave që aplikimi për anëtarësim të jetë i suksesshëm. Sipas mendimit tonë, dorëzimi i draft-statutit në Gjykatën Kushtetuese përpara mbledhjes së Komisionit do të ishte një hap i tillë. Siç tha ambasadori Rohde në postimin e tij në Twitter pas votimit në Asamblenë Parlamentare të Këshillit të Evropës: ‘Kosova tani duhet të bëjë punën e vështirë. Kjo ende nuk ka ndodhur”, thuhet në përgjigjen e Ambasadës.
