Oborri i Xhamisë së Bajraklisë në Komunën e Prizrenit po shfrytëzohet si parking për qytetarët. Valtida Shukriu tregoi për tëvë1 se kjo çështje paraqet problem edhe për qytetarët e kësaj lagjeje. Ndërsa nga Bashkësia Islame nuk po e pranojnë një gjë të tillë.
Parkimi i veturave nuk lejohet.
Por gjatë ditës parkohen një numër i madh i tyre.
Oborri i Xhamisë së Bajraklisë në Prizren shfrytëzohet si parking falas për qytetarët.
Valtida Shukriu përmes një postimi në rrjetet sociale ka ndarë një video ku tregon një numër të madh të veturave të parkuara në këtë oborr.
Këtë problem ajo e ndan edhe për tëvë1.
Gjatë ditës veturat u parkuan edhe jashtë dyerve të oborrit.
Por më vonë ato u larguan e u vendos dryni.
E për këtë çështje Shukriu tha se kjo paraqet problem për këmbësorët.
Mirëpo nga Bashkësia Islame nuk po e pranojnë këtë pasi sipas tyre, ky parking përdorët vetëm nga ata që mbajnë takime në këtë objekt.
Për këtë çështje nga Komuna nuk pranuan të flasin.
Ndryshe Xhamia e Bajraklisë është ndërtuar në vitin 1561 nga Gazi Mehmet Pasha dhe është një ndër xhamitë më të vjetra në Komunën e Prizrenit.
