Mësimin e përfunduan si zakonisht në 12:30.
Por për një nxënëse të klasës së tetë, rruga për në shtëpi nuk qe e zakontë.
Ajo u therr me thikë, nga një nxënës tjetër i shkollës fillore dhe të mesme të ulët “Fadil Hisari” në Prizren.
“Më datë 17.11.2025, rreth orës 12:55, është raportuar për një mosmarrëveshje mes dy të miturve në një shkollë fillore në Prizren, gjatë së cilës njëri prej tyre ka përdorur mjet të mprehtë duke e plagosur tjetrin. I dyshuari (12 vjeç ), është sjellë në stacion policor nga familjarët dhe me të janë marrë hetuesit e delikuencës së të miturve. Të dy janë nxënës të shkollës së njëjtë. Rasti është në trajtim”, ka thënë Bytyqi.
Trajtimin e parë nxënësja e mori në Spitalin Rajonal të Prizrenit.
“Pacientja është pranuar të hënën. Pas trajtimit mjekësor është transferuar në Kliniken Torakale. Gjendja e saj është stabile”, është shprehur Syla.
E ndihmën e parë, 14 vjeçares ia dhanë mësimdhënësit e saj.
Se si u mobilizuan personeli i shkollës për këtë incident të ndodhur ani pse jashtë objektit shkollor, tregon drejtori i shkollës “Fadil Hisari”.
Drejtori Axhillari, shpjegon se në koordinim me Drejtorinë e Arsimit, do të vendosin në lidhje me masat ndaj nxënësit 12 vjeçar.
Televizioni ka kontaktuar me Prokurorinë Themelore në Prizren për veprimet e saj për këtë rast, por nuk kanë kthyer përgjigje.
