Dymbëdhjetë persona u plagosën për shkak të turbulencave në një fluturim të kompanisë ajrore Qatar Airways nga Doha në Dublin, njoftuan autoritetet e aeroportit.
Aeroporti i Dublinit në një deklaratë tha se avioni u ul në mënyrë të sigurt siç ishte planifikuar para orës 13:00.
“Pas uljes, avioni u prit nga shërbimet e urgjencës, duke përfshirë Policinë e Aeroportit dhe departamentin tonë të Zjarrfikësve dhe Shpëtimit, për shkak të 6 pasagjerëve dhe 6 ekuipazhit [gjithsej 12] në bord që raportuan për lëndime pasi avioni përjetoi turbulenca ndërsa fluturonte mbi Turqi,” thuhet në deklaratë.
Tetë pasagjerë u dërguan më pas në spital, ndërsa operacionet e fluturimit në aeroport mbeten si zakonisht.
Incidenti vjen disa ditë pas vdekjes së një 73-vjeçari britanik në një fluturim nga Londra drejt Singaporit, i cili përjetoi turbulenca të rënda. /AA
