Kryetari i Komunës së Skenderajt, Fadil Nura ka publikuar listën e donatorëve dhe shumën e mbledhur për Skenderajn nga 25-31 janar, për rimëkëmbje nga vërshimet e fundit në këtë komunë.
Deri më tani në Fondin Emergjent për Vërshimet bëhet e ditur se nga vendi e diaspora janë mbledhur afër 139 mijë euro.
Me këtë rast kryetari Nura ka falënderuar të gjithë ata që kanë kontribuuar në këtë fond.
“Shumë falënderime për të gjithë njerëzit e vullnetit të mirë, bizneset, kompanitë, fondacionet dhe secilin që nuk qëndroi duarkryq përballë fatkeqësisë së përmbytjeve, që kontribuuan në Fondin Emergjent të Vërshimeve, me aq sa u kushtoi zemra”.
“Publikimi i pjesës së parë të deponimit të mjeteve financiare, nga data 25 deri më 31 janar, ndërkohë që vazhdon derdhja e mjeteve, ato do të publikohen një nga një”, ka shkruar Nura.
