Shkolla “Muharrem Shemsedini” në fshatin Bibaj të Ferizajt ka filluar përgatitjet për 28 nëntor. Në oborrin e kësaj shkolle janë vendosur 112 flamuj kuq e zi për nderë të 112 vjetorit të pavarësisë së Shqipërisë. Drejtori i shkollës tregon se nga erdhi ideja e vendosjes së këtij simboli kombëtar.
Edhe nëntë ditë shënohet 112 vjetori i pavarësisë së Shqipërisë.
Dhe përgatitjet për këtë ditë historike kanë filluar në Kosovë.
Oborri i shkollës “Muharrem Shemsedini” në fshatin Bibaj të Ferizaj ka marrë ngjyrat kuq e zi.
Për nder të ditës së flamurit, në rrethojat e kësaj shkolle janë vendosur 112 flamuj.
Drejtori i kësaj shkolle, Gazmende Fazliu, ka treguar se nga lindi ideja për vendosjen flamujve.
“Arsimtari i arit, Lulëzim Asllani, e ka bërë si ide nga muaji shtator që të behën këtë praktikë është hera e parë në nivel të shkollës dhe në nivel të Kosovës janë 112 flamuj, për hirë të korrektësisë dëshiroj të falënderoj shoqatën “Miqtë e familjes Biden” që i kanë furnizuar shkollën me 112”, tha Fazliu.
Përveç flamurit kombëtar, këtu tash e disa ditë po valon edhe flamuri i Shteteve të Bashkuara të Amerikës dhe flamuri i UÇK-së.
“Unë mendoj që as shteti shqiptar as shteti i Kosovës nuk kish ekzistuar pa flamurin e Amerikës dhe pa Amerikën. Jemi miq dhe këto dy shtete kanë lidhshmëri historikisht me shtetin amerikan. Ne jemi rritur me flamurin kombëtar, dhe flamuri i UCK-së na ka sjellë këtë intervistë dhe ketë jetë që kemi sot”, tha ai.
Për të vendosur këta flamuj në rrethojat e shkollës kishin kontribuar edhe nxënësit e shkollës.
Për këtë ata ndihen krenar me punën e tyre.
“Ka qenë një proces shumë i papërshkrueshëm shumë një ndjesi e mirë, gjithashtu kemi marr edhe komente prej tjerëve, foto prej kalimtarëve. Kisha pas dëshirë me pa edhe prapë”, tha Uerda Aliu, nxënëse e shkollës.
“Ne jemi shkolla e parë që kemi ngjitë 112 falmuj dhe jemi shumë të lumtur për këtë fakt”, tha Lorik Mehmeti, nxënës i shkollës.
Vendosja e flamujve kuq e zi në këtë forme pritet të bëhet traditë e kësaj shkolle.
