Gjykata Themelore në Prishtinë ua ka vazhduar edhe për një muaj masën e paraburgimit dy shtetasve të Serbisë, të dyshuar se po planifikonin kryerjen e veprave terroriste në Kosovë.
“Departamenti Special i Gjykatës Themelore në Prishtinë ka aprovuar kërkesën e Prokurorisë Speciale të Republikës së Kosovës, për vazhdimin e masës së paraburgimit kundër të pandehurve S.J dhe I.S, ashtu që masa e paraburgimit i është vazhduar edhe për 1 (një) muaj, për secilin”, ka thënë për teve1.info zëdhënësja e kësaj gjykate, Mirlinda Gashi.
Policia e Kosovës në orët e vona të 30 majit kishte arrestuar dy persona në Jarinje për ‘Posedim të paautorizuar të armëve dhe narkotikëve’..
Atyre u ishin gjetur e sekuestruar thika, një maskë, sfera metalike, emblema me simbole nacionaliste e pajisje të tjera.
Të njëjtit sipas Prokurorisë po përgatisnin kryerjen e veprave terroriste në territorin e Kosovës.
