Nënkryetari i Lidhjes Demokratike të Kosovës, Lutfi Haziri, nuk beson që bisedimet në Ohër në kuadër të dialogut mes Kosovës dhe Serbisë do të jenë më të suksesshme sesa ato në Bruksel dhe Uashington.
Madje, Haziri pret që prej bisedimeve në Ohër, Kosova të shënojë edhe një hapë mbrapa.
“Nuk besoj që Ohri ka me qenë më i suksesshëm se Bruksesi e Uashingtoni, nuk e pres dhe nuk e besoj që ky hap para i kryeministrit në Bruksel… Po pres që ka me qenë një hap mbrapa prapë”, ka thënë ai në emisionin “Respublika” në Tëvë1.
Takimi i radhës në kuadër të dialogut Kosovë – Serbi do të zhvillohet më 18 mars në Ohër të Maqedonisë së Veriut, ku pritet të diskutohet plani i zbatimit të planit evropian për normalizimin e marrëdhënieve mes të dyja vendeve.
