Kampioni i Kosovës Ballkani është argëtuar në “Fadil Vokrri” ndaj Larnes. Ekipi suharekas të martën mbrëma fituan pastër, por edhe bindshëm ndaj kampionit të Irlandës së Veriut, Larne me rezultat 3:0.
Kjo ishte ndeshja e parë në kuadër të fazës së dytë të Conference League, një javë me pas zhvillohet ndeshja kthyese në Irlandën e Veriut.
Ballkani ishte dominues në çdo aspekt, duke mos lënë miqtë të bëjnë as dy kombinime. Suharekasit deri të goli i parë rrezikuan shumëherë, por në minutën 5’ dhe 21’ me Gripshin ishin rastet me të rrezikshme, ndonëse portieri i miqëve ishte hero në dy rastet.
Në minutën e 24’ akordohet penallti për Ballkanin me Gripshin që pengohet brenda zonës dhe me pas Albion Rrahmani mori përsipër goditjen e fundit, duke rezultuar i saktë nga pika e bardhë.
📹 Ballkani 1-0 Larne FC
⚽️ Albion Rrahmanipic.twitter.com/eCRIQFcHow
— FootColic ⚽️ (@FootColic) July 25, 2023
Ndërsa në minutën e 33’ Almir Kryeziu dyfishoi epërsinë. Kryeziu shënoi bukur nga një aksion i mirë ndërtuar nga Korenica dhe Gripshi. Me epërsi prej 2:0, vendasit shkuan në pushim të pjesës së parë.
Edhe në pjesën e dytë dominimi ishte në anën e suharekasve duke shënuar edhe golin e tretë. Në minutën e 67’ Gripshi ishte realizator, ku u shërbye nga Rrahmani që la prapa egoizmin për bashkëlojtarin e tij.
📹 Ballkani 3-0 Larne FC
⚽️ Nazmi Flupic.twitter.com/bvagRAp4dN
— FootColic ⚽️ (@FootColic) July 25, 2023
Ballkani me epërsi prej tri golave do të udhëtojë në Irlandën e Veriut për ndeshjen kthyese e cila zhvillohet javën e ardhshme.
