Njoftimin për lirimin e tij nga detyra e ka bërë vet Shërbimi Spitalor, Klinik dhe Universitar i Kosovës (SHSKUK).
“Shërbimi Spitalor dhe Klinik dhe Universitar i Kosovës, njofton se pas analizës së situatës së fundit në Shërbimin Klinik të Kardiokirugjisë, është liruar nga detyra e ushtruesit të detyrës së drejtorit, Dr. Rifat Brahimaj”, thuhet në njoftim.
Sipas komunikatës, ushtrues detyre i drejtorit të Shërbimit të Kardiokirugjisë në QKUK është caktuar Dr. Shpejtim Shurdhiqi.
Teve1.info e ka kontaktuar Rifat Brahimajn, por ai nuk është përgjigjur.
Javën e kaluar u raportua se një pacient ka vdekur pak orë pasi iu nënshkrua një operacioni në Klinikën e Kardiokirurgjisë.
Drejtori tashmë i shkarkuar Brahimaj pati deklaruar se mjeku i cili e kishte kryer operacionin nuk ishte kompetent për atë ndërhyrje.
Për ngjarjen dhe akuzat kishte reaguar edhe vet Kardiokirurgu, Kushtrim Shala.
Rreth këtij rasti pati shumë reagime nga njohës të fushës dhe profesionistë shëndetësor.
https://teve1.info/lajmet/vdekja-e-pacientit-reagon-kardiokirurgu-te-cilin-drejtori-e-akuzoi-per-mungese-pervoje/
