Qendra për Informim dhe Përmirësim Social, ka kërkuar nga SShKUK dhe drejtoresha e sapozgjedhur, Narqize Arenliu-Hoxha që brenda javës ta shkarkoj logopedin Iljasa Fazliu, që dyshohet se e ka keqtrajtuar një fëmijë në ordinancën e tij private, raporton teve1.info
Përmes një njoftimi në Facebook, QIPS ka kërkuar edhe inicim të një ankese në Inspektoratin dhe Ministrinë e Shëndetësisë.
“Ne presim gjatë kësaj jave një përgjigje ndaj ankesës tonë, e cila duhet të rezultojë në shkarkimin e menjëhershëm të Iljasa Fazliut pasi që ai paraqet rrezik për shëndetin publik.
Vendime të cilat normalizojnë dhunën dhe amnistojnë abuzuesit në institucione publike nuk duhet të pranohen, rrjedhimisht çdo përgjigje e cila nuk rezulton në shkarkimin e Iljasa Fazliut është e pa pranueshme.
Ne shpresojmë se ankesa do të adresohet së shpejti. Në rast se ShSKUK dështon në përgjegjësinë e saj për të ruajtur shëndetin dhe mirëqenien e qytetarëve, ne do të vazhdojmë të kërkojmë shkarkimin e Iljasa Fazliut në forma tjera”, thuhet ndër të tjera në reagimin e QIPS-it.
