Kryeministri i Kosovës, Albin Kurti tha se si shtet po e bëjnë më të mirën brenda, siç tha, mundësive të vogla për njohjen nga 4 shtetet mosnjohëse-anëtare të NATO-s, raporton teve1.info
Kurti këto komente i bëri si përgjigje ndaj deputetëve për anëtarësim të shtetit në organizata ndërkombëtare derisa tha se në kuadër të këtij synimi Kosova këtë vit do të marr pjesë në “Defender Europe 2023” ,e mbi 1300 ushtarë të FSK-së.
“Pajtohem që integrimi në NATO është jetik për sigurinë tonë. NATO është edhe më e rëndësishme këtë shekull se shekullin e kaluar. Rëndësia e saj sa vije e rritet dhe ju e shihni që vende te BE-së që nuk janë në NATO aplikojnë për tua anëtarësuar në NATO.
Ndërkaq sa i përket 4 shtetet mosnjohëse të NATO-s e kur do të ndodh kjo ne e bëjmë më të mirën me mundësitë tona që janë të vogla.
Ajo çfarë ne bëjmë do të marrim pjesë në “Defender Europe më 2023” në këtë pranverë me 1365 ushtarët e FSK-së”, tha ndër të tjera Kurti.
Kurti i demantoi edhe deputetët që e akuzuan se nuk ka raportuar asnjëherë në Kuvend për dialogun, duke i përmendur disa raste të tij dhe zëvendëskryeministrit Besnik Bslimi, qoftë në parlament apo edhe komisione parlamentare.