Kryetari i BDI-së, Ali Ahmeti ka thënë se pret rezultate nga bisedimet e sotme në takimin në Ohër mes Kosovës dhe Serbisë.
Ahmeti në një konferencë për media, tha se kjo që po bëhet sot është në të mirën e të dyja vendeve, raporton Teve1.info
Sipas tij, nuk mund të ketë një Serbi brenda Evropës pa i stabilizuar marrëdhëniet në të gjitha fushat me Kosovën.
“Kjo që bëhet sot është në të mirë të dy vendeve dhe qytetarëve të Kosovës dhe Serbisë. Serbia duhet të reflektojë dhe të afroj drejt anëtarësimit në BE. Nuk mund të ketë një Serbi brenda Evropës pa i stabilizuar marrëdhëniet në të gjitha fushat me Kosovën”, ka deklaruar Ahmeti.
Ndërkaq, sot para takimit në Ohër, kryeministri i Kosovës, Albin Kurti është takuar me kryetarin e BDI-së, Ali Ahmeti dhe ministrin e Punëve të Jashtme të Maqedonisë së Veriut, Bujar Osmani. /Teve1.info/
