Rritja e çmimit të naftës ka ndikuar edhe në punën që e bëjnë.
Blerim Berisha i cili është instruktor në njërën nga autoshkollat në vend, thotë se me rritjen e këtyre çmimeve iu janë rritur edhe shpenzimet.
E gjithë kjo po ndikon negativisht tek biznesi ku punon.
“Vetëm pak u rrit çmimi i naftës në BERZH ndërkombëtare tek ne nuk po ka të ndalur sidomos ne qe kemi biznese, kemi autoshkolla dhe kerre tjera, çmimet kanë me u rrit dyfishte dhe ndikon në jetën tonë private”, u shpreh një qytetarë.
Por pavarësisht këtyre rritjeve, ai thotë se nuk e kanë në plan që të rrisin çmimin për shërbimet që ofrojnë.
“Ndikon normalisht sa do me qenë 3 cent, 4 cent, çmimet nuk mundem me i rrit se asnjë nxënës nuk vjen me u regjistru më, nuk mundesh me thënë nxënësi 300- 400 euro i ke 20 orë kur nuk kanë populli”, ka thënë tutje qytetari.
Shtrenjtimi i derivateve të naftës po ndikon negativisht edhe tek qytetarët tjerë.
“Menjëherë që kanë dëgjuar që janë rritur çmimet e naftës edhe këto tjerat kanë shkuar .Ndikon shumë keq sepse rrogat sidmos tek një pjesë e popullsisë, pensionistëve si dhe një pjesë e sektorit privat janë shumë të dobëta”, u shpreh një qytetar tjetër.
Ndonëse në botë u raportua se filluar ulja e çmimit të naftës pas deklaratës së Trump se lufta në Iran pritet të përfundoj, një gjë e tillë nuk ndodhi edhe në Kosovë.
Çmimet mbesin te larta.
“Sa i përket çmimit në Kosovë, sot dizelli ka qenë 1.39 e deri në 1,60 ndërsa benzina sillet prej 1 euro e 27 cent e deri 1 euro e 40 cent. Ky çmim bije në mënyrë automatike dhe tek na është duke reflektuar çmimet në BERZH, lufta që po ndodhë, dhe unë mendoj që është në dorën e Trumpit ulja apo ngritja e çmimit të naftës në tërë globin”, ka thënë Bërjani.
Megjithatë, ekonomistët kanë kritika edhe për operatorët ekonomik.
“Në momentin që e rritin çmimin e naftës në tregjet botëror këta e rrisin menjëherë, por në momentin qe bije çmimi i naftës atje operatorët ekonomik në Kosovë nuk e zbresin çmimin deri sa të furnizohen me një çmim më të lirë se sa janë furnizuar. Prandaj ky është mënyra e të menduarit primitiv të operatoret ekonomik. Këtë mund ta rregullojnë edhe institucionet shtetërore të Kosovës, pasi kemi parë që në vendet e Ballkani nuk kemi ndryshim si në Kosovë”, u shpreh ekonomisti Shkumbin Misini.
Sipas të dhënave të doganës, të hënën, nafta është importuar me çmim 1 euro e 44 cent për litër kurse benzina 1 euro e 17 cent për litër.
