Autore: Adea Mustafaj
Nga shtatori, për shumë qytetarë të Kosovës nis sezoni i përgatitjes së specave turshi për dimër.
Tradita e konservimit fillon me blerjen e specave që tashmë ka hyrë në treg.
Por këtë vit, çmimet e tyre për disa familje po konsiderohen të larta.
“Specave unë nuk e di, në ymer temë, 80 vjetë i kom, spec 1 kilogram 1.50 ymer tem ble se kom. Ja u kanë 20 cent, 50 cent, hajde deri në 60 cent. E 1.50 një kilogram spec jo bre pasha zoten”, shprehet një qytetar
“Po qashtu po i shoh unë, por edhe këta kanë qef me bo një fitim pak…Tash pak ma shtrejt, vjet janë kanë ma lirë”, thotë Xhemile Krasniqi.
E sipas një qytetare tjetër, çmimet e specave po janë më lirë në markete se sa në treg.
“Unë specat i kom marr në market për turshi… ka 99 cent të mrekullushëm. Po po ma lirë, 99 cent ka qenë kilogrami edhe të mirë super”, thotë Fefzie Dauti
Po sipas Beqir Avdiut, shtitës në Tregun e Gjelbër në Prishtinë, çmimet janë të njëjta me vitin e kaluar.
“Çmimet janë, mundem me thonë shumë normale, duke fillu prej sumborkave. Është veç fillimi i sezonit. Prej një shtatorit veç him në sezonë turshive…Sumborka klasa e parë është dikun 1.50 euro kilogrami ma e mira se thojnë na. Edhe vjetë ka qenë kështu, nuk ka as me thonë as një rritje hiq”, shprehet Beqir Avdiu.
Për rritje të çmimeve në këtë periudhë, kishte pasur ankesa nga qytetarët edhe viteve të kaluara.
