Xhaka Archives | TËVË 1 - Lexoje të vërtetën!

“Dukesh mirë Granit”, nënkampioni gjerman poston fotografinë e Xhakës

tëvë1 — Wed, 02 Jul 2025 13:27:44 +0000

Bayer Leverkuseni ka dhënë të tjera shenja që Granit Xhaka nuk do të largohet.
Nënkampioni gjerman të mërkurën ka publikuar fotografi të Xhakës duke pozuar me fanellën e re vendase të skuadrës. Po ashtu ka publikuar një fotografi të tij me mbishkrimin ”dukesh mirë, Granit”.

Xhaka kishte dhënë shenja se e dëshiron largimin nga Leverkuseni, ndërsa Milani u angazhua për transferimin e tij.

Por ka gjithnjë e më shumë raportime se kapiteni i Zvicrës do të mbetet te Leverkuseni.

The post “Dukesh mirë Granit”, nënkampioni gjerman poston fotografinë e Xhakës appeared first on TËVË 1 - Lexoje të vërtetën!.

Taulant Xhaka vazhdon karrierën te Dardania Basel si trajner dhe lojtar

tëvë1 — Fri, 27 Jun 2025 15:46:29 +0000

Taulant Xhaka do ta vazhdoj karrierën te klubi Dardania e Baselit, si ttajner dhe lojtar.

Të premten, Xhaka që javë më parë u përshëndet nga Baseli, u prezantua nga drejtuesit e klubit shqiptar që bën gara në kategorinë e katërt të futbollit zviceran.

Njoftimi i plotë Dardania Basel⤵️

Të nderuar dhe të dashur antarë dhe antarësi, Sportdashës përkrahës të klubit FC Dardania

Mirë se vjen, Legjendë!

Me krenari dhe respekt të madh, e mirëpresim në mesin tonë një nga figurat më të mëdha të futbollit shqiptar – Taulant Xhaka dhe ndihmës Trainerin Argjend Turkaj.

Një profesionist shembullor, një luftëtar në fushë dhe një frymëzim për brezat e rinj.

Prania jote nuk është vetëm një forcim për skuadrën, por edhe një nder për gjithë komunitetin tonë.

Jemi Një – dhe sot jemi më të fortë me ty!

Me Respekt

FC Dardania Basel

The post Taulant Xhaka vazhdon karrierën te Dardania Basel si trajner dhe lojtar appeared first on TËVË 1 - Lexoje të vërtetën!.

Gazetarët dhe mediat italiane, citojnë Tëvë 1 për lajmin rreth Granit Xhakës

tëvë1 — Wed, 25 Jun 2025 12:50:31 +0000

Deklaratat e Ragip Xhakës babait të Granit Xhakës, dhënë për Tëvë 1, në Basel, janë cituar të mërkurën nga gazetarët e mirënjohur italianë dhe mediat kryesore të sportit në Itali, që përcjellin transferimet e futbollistëve.

Tash e disa javë, Xhaka është i lidhur me një kalim te AC Milani ndërsa babai i Granitit, Ragipi, në një intervistë ekskluzive të dielën, dhënë Tëvë 1 dhe emisionit VAR, konfirmoj bisedimet ndërmjet djalit të tij dhe për raportin me drejtorin sportiv Igli Tare, i cili edhe më parë e kishte kërkuar atë.

Gianluica di Marzio njëri nga gazetarët më të njohur e të respektuar në Itali, së bashku edhe me Alfredo Pedullan, ishin ata që e shpërndanë lajmin e Tëvë1.
Më pas raportuan edhe mediat e specializuara për transferime si “Tuttomercatweb.com dhe Calciomercato.com, si dhe faqja në gjuhën angleze për lajmet e futbollit, “Football-italia.com”.

Lajmi i Tëvë 1, është cituar edhe nga gazeta më e madhe italiane e sportit, “La Gazzetta dell Sport”.

Kalimi i mundshëm i Xhakës te Milani, është lajmi kryesor i mediave kryesore në Evropë, ndërsa Sporti në Tëvë 1, do t’iu mbajë të informuar për çdo detaj.

Për të parë deklaratat e Ragip Xhakës dhënë për Tëvë 1, këtu mund ta shikoni emisionin e plotë të VAR-it:

https://www.facebook.com/watch/?v=1481692743001126

The post Gazetarët dhe mediat italiane, citojnë Tëvë 1 për lajmin rreth Granit Xhakës appeared first on TËVË 1 - Lexoje të vërtetën!.