Në këtë komunë, më së shumti vota mori Lëvizja Vetëvendosje 49.18 për qind, apo 5222 vota

E dyta ishte PDK me 30.72 për qind apo 3262 vota. LDK pati 15.12 për qind apo 1606 vota.

AAK ishte e katërta me 1.85 për qind apo 196 vota.

Pesë kandidatët më të votuar tek Lëvizja Vetëvendosje në Shtime janë:

1.ALBIN KURTI4,314 Vota

2.GLAUK KONJUFCA 3,556 Vota

3.NAIM REXHAJ 2,054 Vota

4.HEKURAN MURATI 1,715 Vota

5.ALBULENA HAXHIU 1,652 Vota

Tek PDK, këta janë 5 më të votuarit:

1.BEDRI HAMZA 2,710 Vota

2.PËRPARIM GRUDA 1,574 Vota

3.RRAHMAN JAKUPI 1,468 Vota

4.ARIAN TAHIRI 1,387 Vota

5.URAN ISMAILI 1,272 Vota

Pesë më të votuarit tek LDK

1.VJOSA OSMANI SADRIU 1,091 Vota

2.LUMIR ABDIXHIKU 1,043 Vota

3.DOARSA KICA XHELILI 829 Vota

4.FROSINA BERISHA AHMETI 783 Vota

5.HYKMETE BAJRAMI 567 Vota

Pesë më të votuarit tek AAK

1.ARDIAN GJINI 155 Vota

2.RAMUSH HARADINAJ 124 Vota

3.BEKË BERISHA 114 Vota

4.DAUT HARADINAJ 113 Vota

5.BESNIK TAHIRI 112 Vota.

The post Përfundon numërimi i votave në Shtime – këta janë 5 kandidatët më të votuar nga partitë kryesore appeared first on TËVË 1 - Lexoje të vërtetën!.

Në njoftim, prokuroria shton se, janë siguruar deklarata dhe prova të mjaftueshme, mbi bazën e të cilave dyshohet se personat e ndaluar janë përfshirë në veprime të kundërligjshme që ndërlidhen me veprën e lartcekur.

Komunikata:

Pesë persona ndalohen për cenim të vullnetit të lirë të votuesve në Graçanicë

Prishtinë, 19 maj 2026- Prokuroria Themelore në Prishtinë, në bashkëpunim me Drejtorinë për Hetimin e Krimeve Ekonomike dhe Korrupsion të Policisë së Kosovës, njofton opinionin publik se duke vepruar sipas detyrës zyrtare dhe pas raportimeve në media lidhur me deklarimet e Ministrit z. Nenad Rashiq për kërcënimin e votuesve në komunën e Graçanicës, janë ndërmarrë menjëherë veprimet e nevojshme hetimore.

Me vendim të Prokurorit të Shtetit janë ndaluar pesë (5) persona, shtetas të Republikës së Kosovës, të nacionalitetit serb, pasi që të njëjtit dyshohen për kryerjen e veprës penale ‘’Cenimi i përcaktimit të lirë të votuesve’’, nga neni 210 të Kodit Penal të Republikës së Kosovës.

Lidhur me këtë rast, janë siguruar deklarata dhe prova të mjaftueshme, mbi bazën e të cilave dyshohet se personat e ndaluar janë përfshirë në veprime të kundërligjshme që ndërlidhen me veprën e lartcekur.

Prokuroria Themelore në Prishtinë, në kuadër të kompetencave të saj ligjore, mbetet e përkushtuar në mbrojtjen e integritetit të procesit zgjedhor, garantimin e ushtrimit të lirë të së drejtës së votës dhe respektimin e rendit kushtetues ligjor në Republikën e Kosovës.

The post Arrestohen pesë serbë nga Kosova, dyshohen për cenim të votës në Graçanicë appeared first on TËVË 1 - Lexoje të vërtetën!.

Sipas zëdhënësit të KQZ-së, Valmir Elezi, 7 mijë e 621 aplikime janë refuzuar, ndërsa më shumë se 10 mijë të tjera mbeten ende në proces shqyrtimi.

Shtetet me numrin më të madh të votuesve të regjistruar janë Gjermania me 49 mijë e 102 votues dhe Zvicra me 23 mijë e 456. Pas tyre renditen Franca me 4 mijë e 193 votues, Suedia me 3 mijë e 750, Austria me 3 mijë e 165, Mbretëria e Bashkuar me 2 mijë e 370, Italia me 2 mijë e 206 dhe Shtetet e Bashkuara të Amerikës me 2 mijë e 70 votues. Në listë përfshihen edhe Belgjika, Sllovenia, Norvegjia dhe Finlanda.

KQZ-ja ka njoftuar se votimi në përfaqësitë diplomatike do të mbahet më 6 qershor 2026, një ditë para zgjedhjeve në Kosovë. Procesi i votimit do të nisë në ora 07:00 dhe do të përfundojë në ora 19:00, sipas kohës lokale të secilit shtet.

Nga numri total i aplikimeve të aprovuara, 22 mijë e 955 qytetarë janë regjistruar për të votuar fizikisht në ambasada dhe konsullata, 2 mijë e 590 përmes dërgimit të fletëvotimeve në kutinë postare të KQZ-së në Kosovë, ndërsa 73 mijë e 953 do të votojnë duke i dërguar fletëvotimet në kuti postare jashtë vendit.

The post Rreth 100 mijë kërkesa të aprovuara nga KQZ-ja për votim nga jashtë Kosovës appeared first on TËVË 1 - Lexoje të vërtetën!.

Zëdhënësi i KQZ-së, Valmir Elezi, ka bërë të ditur se procesi i regjistrimit për votuesit jashtë Kosovës ka nisur më 6 maj dhe do të zgjasë deri më 17 maj 2026.

Sipas tij, kjo mundësi nuk vlen vetëm për qytetarët që jetojnë në diasporë, por edhe për ata që ndodhen përkohësisht jashtë vendit në ditën e zgjedhjeve.

Elezi ka sqaruar se regjistrimi bëhet përmes procedurës së njëjtë që zbatohet edhe për votuesit nga diaspora, të cilët mund të votojnë përmes postës ose në përfaqësitë diplomatike.

Ai ka theksuar se aplikuesit duhet të dorëzojnë dokumente që dëshmojnë vendqëndrimin e tyre të përkohshëm jashtë Kosovës. Këto mund të jenë adresa e personit ku qëndrojnë, rezervime hoteli, dëshmi akomodimi në konvikt apo dokumente të tjera të ngjashme.

KQZ-ja u ka bërë thirrje qytetarëve që të përfundojnë regjistrimin brenda afatit të paraparë për të siguruar pjesëmarrjen në procesin zgjedhor të 7 qershorit.

“Procedura e regjistrimit të tyre është e njëjtë, si ajo e shtetasve të Kosoës që jetojnë jashtë vendit. Vetëm në rubrikën ku kërkohen dokumentet e nevojshme për regjistrim, aplikuesi duhet të bashkangjes dokumentin që dëshmon adresën e personit, tek i cili qëndron përkohësisht, ose dëshmi tjetër banimi për rastet specifike, si rezervim hoteli, konvikti, etj”, tha Elezi.

The post KQZ: Edhe qytetarët që ndodhen përkohësisht jashtë Kosovës mund të votojnë më 7 qershor appeared first on TËVË 1 - Lexoje të vërtetën!.

Sipas Eugen Cakollit nga Demokracia në Veprim legjislacioni zgjedhor ua njeh shprehimisht subjekteve politike dhe kandidatëve të drejtën për të ankimuar çdo shkelje të supozuar gjatë procesit të numërimit në QNR, brenda 48 orëve nga momenti i ndodhjes së saj.

Ai thekson se ankimimi i procedurave në QNR lidhet me ligjshmërinë procedurale dhe dallon nga ankimimi i rezultateve përfundimtare si të tilla.

“Asnjë fazë e procesit zgjedhor, përfshirë edhe numërimin në QNR, nuk është e përjashtuar nga kontrolli ligjor. Çdo veprim që e bën të pazbatueshme të drejtën për ankesë përbën mohim të mjetit juridik të garantuar me ligj”, ka shkruar Cakolli.

Ndërkohë, Komisioni Qendror i Zgjedhjeve ka njoftuar se nesër (e shtunë) në ora 10:00 do të shpallë rezultatet përfundimtare të zgjedhjeve të 28 dhjetorit. /teve1.info/

KQZ nesër shpall rezultatet përfundimtare të zgjedhjeve të 28 dhjetorit

The post Kontestohet ligjshmëria e shpalljes së rezultateve nga KQZ-ja pa u konsumuar afati për ankesa appeared first on TËVË 1 - Lexoje të vërtetën!.

Përditësimi it ë dhënave të fundit nga KQZ është bërë mëngjesin e sotëm.

Më saktësisht nga 2 mijë e 557 vendvotime, komisionerët e KQZ-së rinumëruan 2 mijë e 61 prej tyre.

Kurse dje KQZ-ja deklaroi se procesi i rinumërimit ka përfunduar plotësisht në 28 komuna.

The post Rinumërohen mbi 80 për qind e votave appeared first on TËVË 1 - Lexoje të vërtetën!.

Deri tani, ky proces është përmbyllur në 22 komuna.

Sipas zëdhënësit të KQZ-së, Valmir Elezi, nga fillimi i rinumërimit të martën, më 13 janar 2026, në orën 18:00, e deri të shtunën, më 24 janar 2026, në orën 16:00, janë rinumëruar mbi 58 për qind e vendvotimeve, konkretisht rreth 1.500 nga gjithsej 2.557 vendvotime.

“Nga fillimi i këtij procesi (e martë, 13 janar 2026, ora 18:00) dhe deri më tani (e shtunë, 24 janar 2026, ora 16:00) janë rinumëruar mbi 58% apo 1,500 nga 2,557 vendvotime”, tha Elezi. /teve1.info/

The post Rinumërohen 1500 vendvotime, procesi përmbyllet në 22 komuna appeared first on TËVË 1 - Lexoje të vërtetën!.

Kryeprokurori i Prokurorisë Themelore në Prizren, Petrit Kryeziu, e konfirmoi këtë gjatë një konference për media, duke theksuar se hetimet janë zgjeruar edhe në këtë drejtim.

Sipas tij, rastet e ryshfetit janë zbuluar falë bashkëpunimit të njërit prej komisionerëve, i cili ka vendosur të bashkëpunojë me Prokurorinë.

Kryeziu shtoi se personat e dyshuar për këtë vepër penale mund të marrin edhe statusin e dëshmitarit bashkëpunues.

“Pjesa me dhënie e marrje të ryshfetit është zbuluar sot prej një prej komisionerëve ka vendosur të bashkëpunojë me Prokurorinë. Ata që janë të dyshuar, mund të marrin dhe cilësinë e dëshmitarëve bashkëpunëtorë”, tha Kryeziu.

The post Njëri nga komisionerët e pranon para Prokurorisë se pati marrëveshje për ryshfet appeared first on TËVË 1 - Lexoje të vërtetën!.

Nga 914 vendvotime që ishte vendosur më herët të rinumëroheshin, kanë mbetur edhe 304 të tilla. Por pas vendimit të sotëm të Komisionit Qendror të Zgjedhjeve, në këtë proces do të përfshihen edhe 1,643 vendvotime që i takojnë 28 komunave.

“Duke u mbështetur në dy vendimet e KQZ-së (13 dhe 19 janar 2026) në Qendrën e Numërimit dhe Rezultateve rinumërimi do të përfshijë të gjitha vendvotimet, 2,557 sosh, në të cilat më 28 dhjetor 2025 është zhvilluar votimi i rregullt. Nga fillimi i këtij procesi (e martë, 13 janar 2026, ora 18:00) dhe deri më tani (e hënë, 19 janar 2026, ora 16:00) në QNR janë rinumëruar 610 vendvotime. Pra, gjatë ditëve në vazhdim, në përgjithësi do të rinumërohen 1,947 vendvotime”, tha zëdhënësi i KQZ-së, Valmir Elezi.

Ai tha se në QNR janë shtuar kapacitetet dhe se rinumërimit i 1,947 vendvotime mund të marrë kohë 12 – 14 ditë.

“Në Qendrën e Numërimit dhe Rezultateve është shtuar numri i ekipeve të numërimit. Aktualisht, janë 38 ekipe të tilla vetëm gjatë një ndërrimi pune, pra 76 gjithsej. I gjithë procesi i rinumërimit të 1,947 vendvotimeve / kutive të votimit, mund të zgjasë nga 12 – 14 ditë”.

Në mbledhjen e së hënës, KQZ mori vendim për rinumërimin e të gjitha vendvotimeve në 28 komunat, si: Deçan, Gjakovë, Gllogoc, Gjilan, Istog, Klinë, Fushë Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut. Ndërkaq, sipas vendimit të mëhershëm të KQZ-së, i datës 13 janar 2026, parashihej rinumërimi i plotë në 10 komuna, si: Dragash, Kaçanik, Lespoaviq, Prizren, Skënderaj, Shtime, Ferizaj, Vushtrri, Mamushë dhe Ranillug.

Rinumërimi i i një të tretës së vendvotimeve nxori dallime prej qindra deri në mijëra vota për kandidatët brenda subjekteve politike. Kësisoj, KQZ vendosi sot në një mbledhje për rinumërim të plotë të të gjitha votave.

The post KQZ: Janë shtuar ekipet e numërimit, rinumërimi i votave pritet të zgjasë 12–14 ditë appeared first on TËVË 1 - Lexoje të vërtetën!.

Që nga fillimi i këtij procesi, të martën më 13 janar 2026 në ora 18:00, e deri të shtunën më 17 janar 2026 në ora 16:00, janë rinumëruar gjithsej 382 nga 914 vendvotime. Këto vendvotime i përkasin komunave: Deçan (5/5), Gjakovë (15/15), Gllogoc (7/7), Gjilan (13/13), Dragash (57/57), Istog (6/6), Kaçanik (45/45), Klinë (6/6), Fushë Kosovë (6/6), Kamenicë (5/5), Mitrovicë e Jugut (10/10), Leposaviq (25/25), Lipjan (9/9), Novobërdë (2/2), Obiliq (3/3), Rahovec (8/8), Pejë (14/14), Podujevë (11), Prishtinë (26/26) dhe Prizren (109/235).

Sipas të dhënave zyrtare, deri më tani procesi i rinumërimit ka përfunduar në 19 komuna. Gjatë ditës së sotme po vazhdon rinumërimi i vendvotimeve në komunën e Prizrenit, ndërsa më pas, sipas radhës, procesi do të shtrihet edhe në komuna të tjera.

Nga fillimi i ditës së sotme, në Qendrën e Numërimit dhe Rezultateve është rritur edhe numri i ekipeve të angazhuara në rinumërim, nga 20 në 26 ekipe.

Sipas vendimit të KQZ-së, në 10 komuna do të rinumërohen 100 për qind e vendvotimeve, përkatësisht në: Dragash, Kaçanik, Leposaviq, Prizren, Skënderaj, Shtime, Ferizaj, Vushtrri, Mamushë dhe Ranillug. Ndërkaq, në 28 komunat e tjera do të rinumërohen nga 10 për qind e vendvotimeve, përfshirë: Deçan, Gjakovë, Gllogoc, Gjilan, Istog, Klinë, Fushë Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut.

The post Vazhdon procesi në QNR, rinumërohen 382 nga 914 vendvotime appeared first on TËVË 1 - Lexoje të vërtetën!.