serbët lokalë Archives | TËVË 1 - Lexoje të vërtetën!

Situatë e qetë në Zveçan

TËVË 1 — Sat, 03 Jun 2023 08:18:17 +0000

Raportohet se në Komunën e Zveçanit është gjendja e qetë.

Kryesisht në protestë janë duke marrë pjesë gratë, që janë të punësuara në sektorin e edukimit, shkruan REL.

Serbët lokalë janë duke protestuar rregullisht prej 26 majit në komunat e Zveçanit, Leposaviqit dhe Zubin Potokut, për të kundërshtuar hyrjen e kryetarëve të rinj shqiptarë në ndërtesat komunale.

The post Situatë e qetë në Zveçan appeared first on TËVË 1 - Lexoje të vërtetën!.

Tensionohet situata në Zveçan

TËVË 1 — Mon, 29 May 2023 11:27:10 +0000

Raportohet për një situatë të tensionuar në Zveçan, ku grupe të serbëve lokalë – mes tyre disa edhe me maska e kapele – qëndrojnë të tubuar para ndërtesës së komunës.

Kordoni i pjesëtarëve të KFOR-it është vënë në afërsi të objektit, ndërsa pjesëtarë të Policisë së Kosovës nuk shihen aty. Sipas raportimeve, policët e Kosovës janë brenda objektit komunal, shkruan REL.

Në Zubin Potok raportohet për situatë më të qetë, edhe pse grupe qytetarësh vazhdojnë të qëndrojnë afër ndërtesës së komunës edhe atje. Ngjashëm është situata edhe në Leposaviq, ku një numër njerëzish u larguan nga protesta.

The post Tensionohet situata në Zveçan appeared first on TËVË 1 - Lexoje të vërtetën!.

Serbët lokalë mblidhen para komunës në Leposaviq

TËVË 1 — Mon, 29 May 2023 05:22:54 +0000

Grupe qytetarësh serbë janë mbledhur sot para ndërtesës së komunës në Leposaviq për të kundërshtuar marrjen e pushtetit lokal nga kryetari i ri shqiptar, Lulzim Hetemi, raporton REL.

Gjithë kjo erdhi pas përplasjeve të serbëve lokalë me Policinë e Kosovës, të cilët hynë me forcë për të instaluar kryetarët e rinj shqiptarë.

Përleshjet që shpërthyen midis protestuesve serbë dhe policisë bënë që Serbia të ngrejë gatishmërinë luftarake të ushtrisë së saj.

Bashkësia ndërkombëtare e dënoi fuqishëm vendimin e Qeverisë së Kosovës për të hyrë me forcë në ndërtesat komunale në veri. NATO-ja kërkoi shtensionimin e menjëhershëm të situatës.

Kryeministri i Kosovës, Albin Kurti, mbrojti veprimet e policisë, duke thënë se çdo opsion tjetër do të ishte “mospërmbushje e obligimeve kushtetuese të Qeverisë ndaj kryetarëve të rinj”.

The post Serbët lokalë mblidhen para komunës në Leposaviq appeared first on TËVË 1 - Lexoje të vërtetën!.