Përplasja shkaktoi zjarr. Dy persona u plagosën lehtë, sipas RBC-Ukrainë, duke cituar Faytuks Network dhe faqen zyrtare në Facebook të Shërbimit Rumun të Reagimit ndaj Emergjencave.
Supozohet se droni ishte rus, pasi Federata Ruse po kryente një sulm masiv me dron në rajonin e Odessas në atë kohë, dhe Galați ndodhet afër.
“Sipas raporteve fillestare, një dron rus u rrëzua në një ndërtesë apartamentesh në qytetin e Galațit, Rumani. Përplasja ndodhi menjëherë pasi autoritetet lëshuan një paralajmërim për ‘mundësinë e rënies së objekteve nga hapësira ajrore përreth'”, shkroi Faytuks Network.
Sipas Shërbimit të Reagimit ndaj Emergjencave (ISU), droni ra në një ndërtesë banimi dhe impakti shkaktoi një shpërthim që shkaktoi një zjarr në një apartament në katin e dhjetë.

Ministria rumune e Mbrojtjes konfirmoi sot se një dron rus goditi një ndërtesë banimi në Rumani, një vend anëtar i NATO-s, gjatë natës, shkruan ANSA.
“Gjatë natës së 28-29 majit, Federata Ruse rifilloi sulmet me dronë ndaj objektivave civile dhe të infrastrukturës në Ukrainë, pranë kufirit lumor me Rumaninë”, deklaroi ministria. Rumania e quajti ndërhyrjen, së bashku me shkeljen e hapësirës së saj ajrore, “një përshkallëzim serioz dhe të papërgjegjshëm”, siç u raportua nga disa media, përfshirë agjencinë ukrainase të lajmeve RBC, AFP dhe CBS. Bukureshti e ka informuar tashmë Sekretarin e Përgjithshëm të NATO-s.

The post Raportohet se droni rus ka goditur një ndërtesë banimi në Rumani, disa të plagosur appeared first on TËVË 1 - Lexoje të vërtetën!.

Një helikopter privat i tipit “Robinson”, i cili u zhduk nga ekranet e radarëve më herët gjatë ditës, u gjet pa të mbijetuar, sipas një deklarate nga qeveria e rajonit Amur.

“Kërkimi për një helikopter që u zhduk në rrethin Romnensky ka përfunduar në rajonin Amur. Gjatë operacionit të kërkim-shpëtimit, u gjetën vendi i rrëzimit dhe trupat e tre viktimave”, thuhet në deklaratë.

Përfaqësuesit e qeverisë shprehën ngushëllimet e tyre për familjet dhe të dashurit e viktimave.

Një hetim është nisur për rrethanat e aksidentit.

Shkaku i rrëzimit nuk u specifikua. Megjithatë, Zyra e Prokurorit të Transportit të Siberisë Lindore tha në një deklaratë të veçantë se ishte përcaktuar që helikopteri i përkiste pilotit të ndjerë, i cili nuk kishte licencë për të drejtuar avionin.

Gjithashtu u tha se helikopteri nuk ishte regjistruar zyrtarisht në përputhje me procedurat e përcaktuara. 

The post Tre të vdekur nga rrëzimi i helikopterit në Rusi appeared first on TËVË 1 - Lexoje të vërtetën!.

Të dhënat për periudhën 2020–2024 tregojnë se Kina është furnizuesi kryesor i armatimit për Serbinë, duke zënë 57% të totalit të importeve. Pas saj renditet Rusia me 20%, ndërsa Franca kontribuon me 7.7%, ndërsa pjesa tjetër prej 15.3% vjen nga vende të tjera.

Sipas grafikëve të publikuar nga Radio Evropa e Lirë, 77% e armëve të importuara nga Serbia vijnë nga Kina dhe Rusia, dy shtete që shpesh konsiderohen si rivale gjeopolitike të Bashkimit Evropian dhe NATO-s.

SIPRI konsiderohet një nga institucionet më të besueshme për monitorimin e tregtisë globale të armëve, dhe të dhënat e tij përdoren gjerësisht nga qeveritë, organizatat ndërkombëtare dhe mediat në mbarë botën.

The post SIPRI: 77% e armëve të Serbisë vijnë nga Kina dhe Rusia appeared first on TËVË 1 - Lexoje të vërtetën!.

Kryeministri nacionalist sllovak, Robert Fico, është një nga aleatët e pakët që Kremlini ka brenda Bashkimit Evropian, i cili ka afruar Bratisllavën me Moskën që kur është rikthyer në pushtet më 2023.

Ai së fundi ka udhëtuar për në Moskë për të siguruar furnizime me gaz për konsum në shtetin e tij, pasi Ukraina vendosi që të ndalte rrjedhën e gazit rus përmes territorit të saj për në Evropë.

Mijëra protestuan në qendër të Bratisllavës duke brohoritur “Ne jemi Evropë”, “Turpërohemi nga Fico” dhe “Nuk do të heqim dorë nga Sllovakia”.

Nisma për Paqe në Ukrainë shkroi në Facebook se ka organizuar tubimet “Sllovakia është Evropë” për të treguar se Sllovakia “nuk është Rusi, por një shtet sovran e demokratik”.

Mediat kanë raportuar se protesta janë mbajtur në dhjetëra qytete sllovake.

Deri në ndarjen paqësore më 1993, Sllovakia dhe Republika Çeke ishin pjesë e Çekosllovakisë, që kishte qëndruar katër dekada nën një qeveri totalitare komuniste të udhëhequr nga Moska në periudhën 1948-1989.

Fico tha në Parlament të premten se presidenti rus, Vladimir Putin, të cilin ai e ka takuar, ka garantuar furnizime me gaz për Sllovakinë. Ai e ka përshkruar Moskën si një furnizuese të besueshme, shkruan REL.

Evropa ende furnizohet me gaz rus përmes gazsjellësit Rrjedha Turke, por edhe furnizohet me gaz të lëngshëm natyror që transportohet përmes anijeve.

Fico ndërpreu ndihmën ushtarake për Ukrainën kur mori udhëheqjen e Qeverisë në tetor të vitit 2023.

Në kundërpërgjigje për vendimin e Ukrainës për të ndërprerë furnizimet me gaz, Fico ka kërcënuar se do të ndërpresë furnizimet me energji elektrike dhe ndihmën humanitare për Ukrainën.

Ai tha se Sllovakia mund të zvogëlojë ndihmën për refugjatët ukrainas të luftës që janë në këtë shtet.

Fico tha se Sllovakia është e gatshme të jetë mikpritëse e bisedimeve të paqes me Rusinë dhe Ukrainë. Kievi tha se një gjë e tillë do t’i shkonte në favor Putinit.

Udhëheqësi rus ka thënë se për të është e pranueshme që Sllovakia, shtet anëtari i NATO-s, të bëhet një “platformë” për dialog për t’i dhënë fund konfliktit.

Presidenti i zgjedhur amerikan, Donald Trump, ka thënë se ai do t’i japë fund shpejt luftës pasi të marrë detyrën më 20 janar.

The post Protesta në Sllovaki kundër raporteve më të ngushta me Rusinë appeared first on TËVË 1 - Lexoje të vërtetën!.

Kryetari i Moskës, Sergei Sobyanin, tha se forcat ruse i rrëzuan 32 dronë ukrainas që e sulmuan Moskën gjatë natës dhe mëngjesit të së dielës, gjatë njërit prej sulmeve më të mëdha kundër kryeqytetit prej se forcat e Kremlinit e pushtuan Ukrainën më 2022.

“Sipas të dhënave tona fillestare, nuk ka dëme apo viktima në vendin ku kanë rënë mbetjet e dronëve. Ekipet emergjente janë në vend të ngjarjes”, tha Sobyanin në Telegram.

Rosaviatsia, agjencia federale e transportit ajror e Rusisë, njoftoi se aeroportet Sheremetyevo, Domodedovo dhe Zhukovo i kanë ndalur përkohësisht operacionet “për të garantuar siguri për fluturimet e avionëve civilë”, për shkak të sulmeve me dronë.

Agjencia shtetërore e lajmeve, TASS, raportoi duke e cituar Rosaviatsian se aeroportet i rifilluan operacionet disa orë më vonë.

Një person u plagos gjatë sulmit, sipas guvernatorit të rajonit të Moskës, Andrei Vorobyov, shkruan REL.

Mediat raportuan se sulmet shkaktuan zjarr në një fshat të distriktit Ramenskoye, duke ua vënë zjarrin disa shtëpive.

Rusia raporton për shkatërrimin e dronëve ukrainas pothuajse çdo ditë, por sulmet rrallëherë kanë në shënjestër kryeqytetin.

Autoritetet ukrainase kanë deklaruar shpesh se sulmet e tyre me dronë në Rusi synojnë infrastrukturën që është e rëndësishme për përpjekjet e luftës së Moskës dhe janë përgjigje ndaj sulmeve të vazhdueshme të Rusisë kundër Ukrainës.

Prej fillimit të luftës, Ukraina është përballur me bombardime gjatë natës nga Rusia, e cila, mes tjerash, synim e ka shkatërrimin e infrastrukturës jetike energjetike.

Forca Ajrore e Ukrainës tha të dielën se i rrëzoi 62 nga një numër rekord prej 145 dronësh rusë të lëshuar gjatë natës. Forca ajrore tha se humbi gjurmët e 67 dronëve, ndërsa 10 të tjerë u larguan nga Ukraina në drejtim të Rusisë, Moldavisë dhe Bjellorusisë.

Të paktën dy persona u plagosën dhe u dëmtuan ndërtesa në sulmin e fundit me dronë rusë në rajonin jugor të Odesës, thanë zyrtarët ukrainas.

The post Sulmet ukrainase me dronë në Moskë detyrojnë 3 aeroporte të mbyllen appeared first on TËVË 1 - Lexoje të vërtetën!.

Duke folur nga Brukseli, më 28 tetor, Rutte e ka konsideruar këtë hap si “përshkallëzim të madh” në luftën e Rusisë në Ukrainë.

Sipas tij, ky veprim sinjalizon “dëshpërimin” e presidentit rus, Vladimir Putin, pas humbjes së më shumë se 600.000 ushtarëve në luftë, shkruan REL.

“Thellimi i bashkëpunimit ushtarak në mes të Rusisë dhe Koresë së Veriut përbën kërcënim për sigurinë euro-atlantike dhe atë të Indo-Paqësorit”, ka thënë ai.

Lajmi po përditësohet…

The post Shefi i NATO-s konfirmon prezencën e trupave koreano-veriore në Rusi appeared first on TËVË 1 - Lexoje të vërtetën!.

Guvernatori rajonal në detyrë, Alexei Smirnov, tha se masa ishte e nevojshme “për të eliminuar pasojat e forcave armike që vijnë në rajon”.

Zyrtarët rusë thanë se të paktën pesë civilë ishin vrarë dhe 31 të plagosur, gjashtë prej tyre fëmijë, që nga fillimi i inkursionit, raporton BBC.

Ukraina nuk ka komentuar zyrtarisht dhe thellësia e inkursionit mbetet e paqartë.

Të martën në mëngjes, deri në 1000 trupa ukrainase, si dhe 11 tanke dhe më shumë se 20 automjete të blinduara luftarake, hynë në Rusi pranë qytetit Sudzha, tha Moska.

Luftimet thuhet se u zhvilluan në një numër fshatrash gjatë të martës, me autoritetet lokale që u kërkuan banorëve të kufizojnë lëvizjet e tyre dhe të gjitha ngjarjet publike u anuluan.

The post Shpallet gjendje e jashtëzakonshme pasi Ukraina nis sulmin në Rusi appeared first on TËVË 1 - Lexoje të vërtetën!.

Guvernatori rajonal, Aleksandr Gusev, tha se dronë ukrainas u rrëzuan nga kundërajrorët rusë dhe se zjarri në depon e municionit u shkaktua nga rënia e copëzave të dronëve.

Depoja e municionit ndodhet në qarkun Podgornenski, në rajonin Voronezh në afërsi të kufirit me Ukrainën.

Video të publikuar në Telegram shfaqin së paku një dron duke fluturuar drejt depos dhe pastaj mund të dëgjohen një sërë shpërthimesh, teksa tym i zi ngrihet në qiell.

Gusev tha se nuk raportohet për viktima. Më vonë mëngjesin e së dielës, ai tha se ka shpallur gjendje të jashtëzakonshme në vendbanimin ku ndodhet depoja e kapluar nga zjarri, pa e identifikuar atë me emër, shkruan REL. U raportua se rruga drejt kësaj zone është mbyllur dhe se autoritetet kanë filluar t’i evakuojnë banorët në qendra të përkohshme akomodimi.

Ukraina, infrastruktura energjetike e së cilës është dëmtuar rëndë nga sulmet e pareshtura ruse gjatë vitit të fundit, i ka rritur sulmet ndaj zonave për prodhimin e karburanteve brenda Rusisë, kryesisht kundër ndërtesave të rafinerisë së naftës, të cilat punojnë për ushtrinë ruse.

Ndërkohë, Forca Ajrore e Ukrainës tha mëngjesin e së dielës se kundërajrorët ukrainas i kanë zmbrapsur sulmet e reja ruse me dronë dhe me raketa në disa rajone.

“Armiku sulmoi me dy raketa balistike të tipit Iskander-M, dhe me 13 dronë të llojit Shahed”, shkroi Forca Ajrore në Telegram.

Sipas saj, 13 dronë u rrëzuan në rajonet Kirovohrad, Harkiv, Sumi dhe Poltava.

Ndërkohë, Ministria e Mbrojtjes e Rusisë tha në Telegram se raketa e saj Iskander i ka shkatërruar dy hedhës të kundërajrorit Patriot dhe një stacion radari Giraffe në fshatin Juzhin në rajonin e Odesës.

Pretendimi rus nuk mund të verifikohej në mënyrë të pavarur.

The post Shpallet gjendje e jashtëzakonshme në pjesë të rajonit rus Voronezh appeared first on TËVË 1 - Lexoje të vërtetën!.

Fillimisht, presidenti amerikan Joe Biden javë më parë i dha leje Ukrainës të përdorë municione me të cilat e furnizon SHBA-ja për ta mbrojtur qytetin lindor, Harkiv, nga sulmet e pareshtura raketore ruse.

Prej se Rusia e nisi pushtimin e Ukrainës më 2022, Shtetet e Bashkuara kishin mbajtur qëndrim që Kievi të mos i përdorte armët amerikane për t’i goditur caqet brenda Rusisë, për shkak të frikës se kjo do ta përshkallëzonte luftën.

Rusia është duke i goditur caqet ukrainase nga brendësia e kufijve të vet, duke e trajtuar territorin e saj si “zonë të sigurisë”, tha gjeneralmajori Pat Ryder, sekretar për media i Pentagonit.

“Derisa po i shohim ato forca duke kryer operacione të tilla nga territori i tyre, ne kemi shpjeguar se Ukraina mundet dhe ka të drejtë për t’u përgjigjur në mënyrë që ta mbrojë veten”, tha Ryder për gazetarë.

Pentagoni tha se ky nuk është qëndrim i ri në politikën e saj për armët.

“Kjo nuk ka të bëjë me gjeografi. Ka të bëjë me logjikën. Nëse Rusia po e sulmon apo është duke dashur ta sulmojë Ukrainën nga territori i vet, atëherë ka logjikë ta lejojmë Ukrainën të përgjigjet kundër forcave të cilat po e godasin atë nga matanë kufirit”, tha ai.

Një ditë më parë, të enjten, Shtëpia e Bardhë se do ta përshpejtojë furnizimin e Ukrainës me raketa për mbrojtje ajrore duke ia dërguar asaj dërgesat e planifikuara për vendet e tjera aleate, shkruan REL. Vendimi nënkupton se dërgesat e “raketave që dalin nga linja e prodhimit” do të shkojnë në Ukrainë, në vend se të shkojnë në vende të tjera të planifikuara.

The post Pentagoni: Ukraina mund të hedhë raketa amerikane në Rusi, sa herë që sulmohet appeared first on TËVË 1 - Lexoje të vërtetën!.

Objekte energjetike u dëmtuan në rajonet Donjeckut në lindje, Zaporizhjas në juglindje, në Dnipropetrovsk, si dhe në rajonin qendror Kirovohrad dhe atë perëndimor Ivano-Frankvisk, tha operatori i rrjetit energjetik i Ukrainës, Ukrenerho.

“Mëngjesin e sotëm, rusët kryen një tjetër sulm në objektet energjetike të Ukrainës. Prej marsit janë kryer gjashtë sulme të mëdha raketore dhe me dronë kundër infrastrukturës energjetike civile”, tha Ukrenerho.

DTEK, kompania më e madhe e Ukrainës për prodhimin e energjisë elektrike, tha se gjatë sulmit u goditën dy prej termocentraleve të saj dhe se pajiset e saj u “dëmtuan rëndë”. DTEK nuk tregoi se ku ndodheshin ato objekte.

Rusia i ka rritur bombardimet kundër infrastrukturës energjetike civile në Ukrainë prej muajit mars, duke ia shkatërruar shumicën e kapaciteteve të termocentraleve dhe hidrocentraleve. Si pasojë, ka pasur reduktime të rrymës dhe import të energjisë elektrike në sasi rekorde.

Më herët, Forcat Ajrore të Ukrainës raportuan se kundërajrorët e tyre i rrëzuan 35 nga 53 raketat ruse dhe 46 nga 47 dronët rusët.

“Terroristët rusë nuk heqin dorë nga qëllimi i tyre për ta shkatërruar sektorin e energjisë së vendit. Forcat Ajrore dhe ato të Mbrojtjes të Ukrainës po bëjnë gjithçka që është e mundur për të mos e lejuar armikun ta arrijë qëllimin e tij në çdo cep të frontit”, tha komandanti i Forcave Ajrore të Ukrainës, gjenerali Mykola Oleshchuk.

Zyrtarët rajonalë raportuan se zjarrfikësit janë duke i luftuar zjarret në disa zona pas sulmeve të së shtunës. Nuk është raportuar për viktima, shkruan REL. Sulmet e reja ruse u kryen dy ditë pasi presidenti amerikan, Joe Biden, i dha leje Ukrainës t’i përdorë armët amerikane për të kryer sulme brenda Rusisë, por vetëm për qëllime të kufizuara për ta mbrojtur Harkivin.

The post Rusia i vazhdon sulmet kundër infrastrukturës energjetike të Ukrainës appeared first on TËVË 1 - Lexoje të vërtetën!.