Manxhuka ka  thënë se vendimi për zbatimin e aktgjykimit të Gjykatës Kushtetuese për këtë rast u bë pas bisedimeve me raportuesin në Këshillin e Evropës.

Ai ka thënë se Rashiq ka bërë një ngatërrim dhe se Kurti për “hatër të tij” ka bërë vizitë të Patriarkut Porfirije, për Krishtlindjet ortodokse të vitit 2023.

“Që nga dita e parë në Kurti 2 në mars 2021, nga ambasadorët e Quint-it por edhe nga ministri Rashiq është kërkuar zbatimi i aktgjykimit të GjK, por kjo ka ndodhur vetëm në kuadër të bisedimeve me raportuesen e Këshillit të Evropës, Bakoyannis, tre vjet më vonë, në mars 2024.Ajo çka ka ngatërruar ministri Nenad Rashiq është pranimi i kërkesës së tij për vizitë të Patriarkut Porfirije, për Krishtlindjet ortodokse të vitit 2023, siç mund ta shihni në fotografinë më poshtë”, ka shkruar Manxhuka në Facebook.

Manxhuka thënë se vendimi për zbatimin e aktgjykimit të Gjykatës Kushtetuese për këtë rast u bë pas bisedimeve me raportuesin në Këshillin e Evropës.

“Zbatimin e aktgjykimit, tashmë të marrë nga Gjykata Kushtetuese në vitin 2016, Qeveria e Republikës së Kosovës e ka bërë vetëm në dritën e anëtarësimit në Këshillin e Evropës dhe për asgjë tjetër. Siç dihet, pas vendimit, në mars të vitit 2024, raportuesja Dora Bakoyannis shpërndau raportin e saj, ku konfirmoi që Kosova, pas zbatimit të aktgjykimit të Gjykatës Kushtetuese lidhur me çështjen e Manastirit të Deçanit, ka plotësuar të gjitha parakushtet për anëtarësim dhe duhet të ftohet të bëhet anëtare e plotë e Këshillit të Evropës, pa parakushte shtesë”, ka shkruar Manxhuka./teve1.info/

Rashiq: Kurti më tha se vendimin për tokën e Manastirit të Deçanit e mori për shkakun tim

The post Qeveria reagon ndaj deklaratës së Rashiqit për tokat e Manastirit të Deçanit appeared first on TËVË 1 - Lexoje të vërtetën!.

Ai ka thënë se për hatër të kujt u pranua vetmenaxhimi.

Hoxha në një postim në Facebook ka thënë se Kosova nuk është pronë e askujt që të falen toka për dikë.

“Nenad Rashiq tha publikisht se Albin Kurti, për hatër të tij, ia ka transferuar tokën Manastirit të Deçanit. Një deklaratë e tillë tregon thelbin e një politike me logjikë feudale, ku territori i shtetit trajtohet si pronë për t’u dhënë “për hatër”. Pyetja që shtrohet është e thjeshtë, për hatër të kujt janë marrë edhe vendime të tjera të rënda për Kosovën? Për hatër të kujt u pranua vetëmenaxhimi në marrëveshjet e Ohrit dhe Brukselit më 2023? Për hatër të kujt u rikthye në qendër Rezoluta 1244 dhe mekanizma arbitrazhi që hapin rrugë për ekstraterritorialitet? Dhe për hatër të kujt u pranua që pasaportat e Serbisë për qytetarët e Kosovës të mund të përdoren për lëvizje pa viza në BE?Kosova nuk është pronë e askujt për t’u falur sipas hatrit. Është shtet dhe duhet të trajtohet si e tillë”, ka shkruar Hoxhaj./teve1.info/

Rashiq: Kurti më tha se vendimin për tokën e Manastirit të Deçanit e mori për shkakun tim

The post Hoxhaj: Kosova nuk është pronë e askujt për t’u falur sipas hatrit appeared first on TËVË 1 - Lexoje të vërtetën!.

Por, ai ka thënë se para se të vendos përfundimisht për votimin e saj, do të dëshironte një takim me të, për të cilën tha se ka disa kërkesa që kanë të bëjnë me komunitetin serb.

“Nëse Osmani është kandidate e LVV-së,normal që ka një peshë të veçantë dhe normal që në këtë aspekt nëse e propozojnë, sikurse që e kam thënë edhe herën e kaluar sa i përket kryeparlamanetarit ne do ta mbështesim, por megjithatë një takim me znj. Osmanin, kisha insistuar ta bëjmë dhe pastaj do të kishim vendosur përfundimisht. Unë kam disa gjëra që konsideroj që janë brenga të serbëve dhe kisha kërkuar do modifikime të vogla sa i përket komunikimit që znj. Osmani ka me komunitetet. Janë shumë teknike. Nëse ndodhin këto që thash nuk e shoh problem votimin”, ka thënë Rashiq në emisionin “Mesditë” në Tëvë1.

Rashiq ka thënë se do të ishte gabim nëse shkohet në zgjedhje për shkak të presidentit.

Ai ka thënë se kryeministrin në detyrë, Albin Kurti nuk kanë diskutuar ende për poste në qeveri, por ka thënë se takime do të ketë pas përfundimit të procesit të rinumërimit të votave dhe certifikimi të rezultateve.

Rashiq ka arritur të sigurojë një ulëse në Kuvendin e Kosovës.

The post Rashiq shprehet i gatshëm ta votojë Osmanin, por fillimisht kërkon takim me të appeared first on TËVË 1 - Lexoje të vërtetën!.

Nura ka thënë se LVV-ja po të ishte e interesuar për formimin e institucioneve thirrje të ndërkombëtarëve do u kishte përgjigjur edhe më herët.

Sipas tij, LVV-së po i konvenon situata aktuale.

“Nuk jam në dijeni që bashkësia ndërkombëtare apo QUINT-i, i ka bë presion të shkohet me këtë mbledhje. Sikur të ishin aq të interesuar t’i themelonin institucionet e vendit, jemi që gjashtë muaj në pritej ata nuk kanë dashur të interesohen për këtë presion. Ata janë të kënaqur me situatën aktuale”, ka thënë Nura në emisionin “Ditari” në Tëvë1.

Kërkesa nga miqtë ndërkombëtarë që Kuvendi ta vazhdojë punën është njëra ndër arsyet që kryeparlamentari Dimal Basha thotë se ka konstituuar Kuvendin.

Para gazetarëve ai tha se të shtunën ka konstituuar Kuvendin duke vlerësuar se nuk duhet të bllokohet shteti për shkak të moszgjedhjes së një nënkryetari.

“S’ka logjikë të bllokohet Kuvendi i Republikës për shkak të moszgjedhjes së një nënkryetari. I kemi pesë anëtarë në Kryesi. Të vazhdojë rrjedhja e afatit për caktimin e mandatarit dhe të kemi institucione funksionale siç na presin qytetarët. Kemi edhe trysni dhe kërkesa nga miqtë ndërkombëtarët që të vazhdojë puna e Kuvendit”, ka thënë ai.

Nura ka folur edhe për mospjesëmarrjen e PDK-së në mbledhjen e Kryesisë së Kuvendit të thirrur nga Basha të hënën.

Ai ka thënë se PDK nuk do të bëhet pjesë e shkeljeve të Kushtetuës.

Nura për mosbotimin e nënkryetarit të Kuvendit nga komuniteti serb, ka thënë se i takon Vetëvendosjes të sigurojë votat, duke kujtuar se ata kanë mundësuar zgjedhjen e kryetarit.

Por, sipas tij, Vetëvendosje nuk e ka ndihmuar Rashiqin për tu zgjedhur nënkryetar. Sipas tij, me këtë veprim ata e kanë forcuar Listën Serbe.

“VV –ja ka qenë jo sinqertë me Rashiqin dhe i ka ndihmua Listës Serbe që në zgjedhjet lokale të dal edhe më mirë dhe ta luftoj opozitën e vetme që ka pas dritash e që ka qenë Rashiq, i cili ka pas mundësi që të rritet me partinë e tij. Në mënyrë indirekte e ka ndihmua Listën Serbe dhe e ka djeg Rashiqin. U pa që Rashiq nuk i ka votat, asnjë përpjekje e Vetëvendosje nuk është bë për mu zgjedh Rashiqi për nënkryetar, përpos propozimit”, ka thënë ai.

The post Nura: LVV nuk bëri asgjë që Rashiq të votohet për nënkryetar të Kuvendit appeared first on TËVË 1 - Lexoje të vërtetën!.

Ai ka thënë se nëse nuk ndodhë kjo, atëherë do të ketë një situatë të veprimeve të paparashikueshme.

Rashiq ka thënë se për të mos ardhur në këtë situatë beson në pragmatizmin e Fatmir Limajt se do të pranojë ofertën e Kurtit.

“Hyjmë në një zonë të veprimeve të paparashikueshme. Personalisht nuk jam që të hyjmë në atë zonë ku nuk mund të parashihet se çfarë mund të jetë reagimi apo propozimi i Gjykatës Kushtetuese apo ndonjë institucioni tjetër. Unë besoj duke e njohur z.Limaj që do të jenë pragmatik dhe do të pranojnë një ofertë nga bisedat që janë zhvilluar me z.Kurtin. Besoj shumë, mos të thamë që jam i sigurt që z.Limaj do të pranojë këtë ofertë të Kurtit”, ka thënë Rashiq në emisionin “Mesditë” në Tëvë1.

Kryeministri në detyrë i Kosovës, Albin Kurti ka thënë se Limajt i ka bërë ofertë konkrete për bashkëqeverisje në takimin e së shtunës, ndonëse nuk ka dhënë detaje.

Siç është raportuar Kurti i ka ofruar Limajt tri ministri.

The post Rashiq: Besoj shumë që Limaj do ta pranojë ofertën e Kurtit appeared first on TËVË 1 - Lexoje të vërtetën!.

Kështu po vlerëson ministri për Komunitete dhe Kthim, Nenad Rashiq.

Në një intervistë për Tëvë1, Rashiq tha se dialogu midis Kosovës dhe Serbisë, duhet të vazhdoi, që të mos ketë konflikte të tjera.

“Në atë aspekt, e shoh që, ashtu pak janë befasuar me këto konstatime, sic thash në fillim, dhe besoj që i nevojitet disa ditë që të analizohet pak më mirë dhe ndoshta që të rikonfirmohet një farë forme një gatishmëri të inicimit ose vazhdimit të dialogut. Unë mendoj, është mendim personal, gjithmonë kam thënë, kemi një thinje të vjetër, “ më mirë të negociohet 1 mijë ditë se të luftohet 1 orë” . kështu që unë pranoj një model të negocimit dhe unë kisha qenë shumë i lumtur, që ai vazhdim të ndodh në fillim të korrikut”, ka thënë Rashiq.

I pyetur për kërkesën e kryeministrit Kurti, rreth dorëzimit të Millan Radojiçiq në organet e Drejtësisë në Kosovës, ministri nga radhët e komunitetit serb, nuk pret diçka të tillë në muajt në vijim.

“ Sa e di unë lidhjet e tyre, në Serbi, në veçanti në regjimin i cili rastësisht është në pushtet në serbi, nuk e shoh si e mundshme, në muajt në vijim. Në muajt e ardhshëm nuk e shoh një opsion real”, shprehet ai.

Rashiq ka folur edhe për refuzimin që ai të jetë pjesë e dialogut.

“Kryeministri Kurti ka pas një ide prej momentit që jemi emëruar, kjo ka ndodh më 1 dhjetor 2022, ku sipas planit të tij, unë kam pas të jem pjesë e grupit punues, dhe në atë aspekt dhe një kërkesë është dërguar si propozim tek facilitatorët, tek zotëri Borrell dhe Lajçak, ta zgjerojmë grupin teknik negociues, por pala tjetër nuk e ka pranuar një gjë të tillë”, shprehet ministri për Komunitete dhe Kthim.

Sipas Rashiq, mos përfshirja e tij në ekipin negociues, do të sjellë vetëm probleme në dialogun Kosovë-Serbi, dhe integrimin e serbëve.

“Siç thotë Brukesli varet nga palët a do të pranojnë a jo, prandaj pala tjetër në këtë rast, nuk ka pranuar një ndryshim të tillë kështu që unë ose ne, kemi mbet jashtë proceseve, e që prapë është një bumerang i keq, jo vetëm për dizajnimin e politikave dhe statutit, por edhe të integrimit që deri më sot kemi pa vetëm ndikim negativ në procesin negociues”, ka thënë ai.

Më 26 qershor në Bruksel, Kurti, nuk pranoi të takohet me Vuçiqin, pa u plotësuar tri kërkesat për të cilat, Serbia ende nuk ka dhënë sqarim nëse do të realizohen.

The post Rashiq nuk pret të ketë dorëzim të Radoiçiqit në Kosovë, thotë se dialogu duhet të vazhdojë appeared first on TËVË 1 - Lexoje të vërtetën!.

Ministri Rashiq thotë se kurdo që qeveria do të nisë hartimin e një drafti për Asociacionin në bashkëpunim me serbët lokal në Kosovë, do të jap kontributin e tij. Rashiq e konsideron të rëndësishëm themelimin e Asociacionit për komunitetin serbë në Kosovë, derisa thekson se s’duhet të ketë frikë për një bosnjëzim të Kosovës. Nga ana tjetër, Rashiq i konsideron deklarata boshe konkluzionet e dala nga “kuvendi gjithëserb”, pasi thotë se janë vetëm për përdorim të brendshëm në Serbi.

“Pa dëshirë e kisha pranuar atë obligim, por normale nëse ka nevojë për një gjë të tillë kryeministri. Unë në çdo moment jam i gatshëm që të jap kontributin në këtë aspekt. Unë e konsideroj vetën si një profesionist dhe kisha marrë përgjegjësi, megjithatë obligimet që do të na kishin dal si pjesë e qeverisë do t’i kishim marrë pa asnjë problem”, thotë ai.

Sipas tij, themelimi i Asociacionit është një obligim ndërkombëtar i Kosovës dhe se si i tillë duhet të bëhet.

“Konsideroj se Asociacioni pasi që është një marrëveshje ose obligim që është marrë me vite, rikujtojë se marrëveshjet ndërkombëtare kanë një fuqi më të lartë se ligjet lokale dhe normale se obligimet duhet të respektohen. Unë inkurajojë jo vetëm kryeministrin por edhe nivelin teknik se sa i përket formimit të Asociacionit nuk do të ketë shkelje të kushtetutës apo ligjeve. Është ai elementi aty që garanton se nuk mund të ndodh një gjë e tillë. Ka qenë pika e dytë mos gabohesha të marrëveshjes së vitit 2015, ku thuhet se kjo marrëveshje së pari duhet të kalohet përmes Kushtetutës apo ligjeve të Kosovës. Bazuar në këtë, kjo e siguron një themel të besueshëm që një gjë e tillë sikur shkelje apo manipulimi brenda ligjeve nuk duhet të ndodh”, thekson Rashiq.

Ai deklaron se institucionet në Kosovë s’duhet të kenë frikë për një bosnjëzim të Kosovës pas themelimit të Asociacionit, pasi Gjykata Kushtetuese mund ta pastrojë atë nga elementet jokushtetues.

Megjithatë, ai shton se drafti i Asociacionit i prezantuar nga Bashkimi Evropian ka disa gjëra të cilat për të janë ta paqarta.

“Pasi s’kemi draftin tjetër edhe pse unë e lexova draftin por të them të vërtetën shumë sene nuk kam bash të qarta. E di se për draftin mund të them se është një formë gjithëpërfshirëse dhe nuk është hy në detaje. Në momentin kur bëhet prezantimi i draftit qoftë të dërgohet në Kushtetuese apo të dërgohet për verifikim në Komisionin e Venecias, unë do të kisha pasur pyetje, sepse nuk e kam të qarta. Mirëpo nuk është pyetje a do të pajtohem unë apo jo, pasi kemi profesionistë të cilët e vërtetojnë saktë a është në përputhje me Kushtetutën dhe ligjet e Kosovës. Unë vet do të përpiqet që të inkorporoj ndoshta disa ide të mira por përndryshe unë nuk kam aspak frikë se mund të ndodh një Bosnjëzim, sikurse që thuhet sepse prapë institucionet janë këtu dhe veprojnë. Në fund të fundit nga ai vlerësim që do të ndodhte nuk do të kishte prishur rendin dhe kushtetushërinë”, thotë Rashiq.

Sa i përket të ashtuquajturit “kuvend gjithëserb”, ku udhëheqës të Serbisë dhe të entitetit serb të Bosnjës, Republika Sërpska, bënë thirrje për unitetin e serbëve në të gjithë rajonin, Rashiq thotë se ato janë deklarata boshe dhe vetëm për përdorim të brendshëm.

Sipas tij, presidenti serb, Aleksandër Vuçiq dhe kryetari i serbëve në Bosnje, Milorad Dodik e kanë mbledhur këtë kuvend për interesa personale dhe se konkluzionet e dala nga kjo mbledhje s’kanë asnjë peshë në aspektin evropian dhe regjional.

“Mos i konsideroni ato deklarata ju lutem, sepse ato janë për përdorim të brendshëm. Ju duhet të kuptoni se ata dy persona(Vuqiq dhe Dodik) që kanë qenë udhëheqësit e ngjarjes çdo fjalë që e bëjnë e kanë për interesa të veta dhe për përdorim të brendshëm. S’ka asnjë peshë në aspektin evropian dhe as regjional. Janë vetëm fjalë të zbrazura”, përfundon Rashiq.

Ndërsa, zëvendëskryeministrja e njëherësh ministre e Punëve të Jashtme dhe Diasporës, Donika Gërvalla, ka thënë ditë më parë për KosovaPress se qeveria do ta shqyrtojë draftin e BE-së për Asociacionin vetëm nëse Serbia e zbaton në tërësi marrëveshjen bazë të Brukselit dhe aneksin e Ohrit.

Sipas saj, Kosova nuk mund të dërgojë draftin e Miroslav Lajçakut për asociacionin në Gjykatën Kushtetuese si pjesë të ndarë nga marrëveshja e arritur vitin e kaluar, por vetëm si pjesë e pakos që parasheh edhe planin e detajuar të implementimit.

The post Hartimi i statutit të Asociacionit, Rashiq: S’duhet të ketë frikë për një bosnjëzim të Kosovës appeared first on TËVË 1 - Lexoje të vërtetën!.

Konferencat e tij nuk janë aq të shpeshta.

Sa herë që merren vendime nga ekzekutivi apo institucionet e tjera, që prekin komunitet jo shumicë, ai i drejtohet medieve.

Kështu bëri edhe kësaj radhe, ku Ministri për Komunitete dhe Kthim, Nenad Rashiq, doli për të informuar qytetarët e komuniteti serbë rreth vendimit të fundit të Bankës Qendrore të Kosovës.
Ministri u bëri thirrje qytetarëve serbë që jetojnë në Kosovë që të mos bien pre e lajmeve të rreme, në të cilat është thënë se do të mbyllen institucionet shëndetësore e arsimore.

“Pasdite dje kur jam takuar me Kurtin, kemi ardhur deri te një përfundim që Kurti edhe e ka shpall, kjo sa i përket një periudhë tranzicioni që shfrytëzuesit të përgatiten për përdorimin e euros dhe implementimin e saj. Nga ana juridike teknike mendoj se kjo është mënyra e duhur se si duhet të vazhdojmë… “ Banka qendrore është organ i pavarur, dhe ata vendosin vet, sikur e parasheh edhe ligji. Unë e kam vërejtur te z.Ismaili se ai është shumë këmbëngulës se kjo rregullore është me vend dhe unë pajtohem duke e shikuar dhe analizuar rregulloren, kur e kam pyetur për shtyrje ka thënë që jo…”, tha ai.

I pyetur nga Tëvë1, rreth numrit të qytetarëve serbë që kanë aplikuar në bankat e licencuara nga BQK, pas mbylljes së Bankës Komerciale, ai tha se 17 mijë qytetarë serbë do të pajisen me llogari të reja.

“Sa i përket do të dhënave, iu tregoj që i mora dje, në mënyrë automatike ose me pëlqim të klientit në momentet e para kur është mbyllur Banka Komerciale, prej 20 mijë klientëve që ka pas në atë moment në Bankën Komerciale, 17 mijë kanë hapur xhirollogari në NLB në mënyrë automatike” , tha Rashiq.

Nenad Rashiq ka bërë thirrje që Rregullorja e BQK-së të mos bëhet një sfidë e politike.

E gjatë së mërkurës, përsëri ka reaguar zëdhënësi i Bashkimit Evropian, Peter Stano. Ai ka thënë se qytetarët e Kosovës po rrezikohen drejt integrimit në BE, për arsyeje siç ka thënë, të vendimeve të njëanshme të qeveris së Kosovës.

The post Rashiq thotë se 17 mijë qytetarë serbë kanë kaluar në bankën e licencuar nga BQK-ja appeared first on TËVË 1 - Lexoje të vërtetën!.

Ai për RTK2, nuk ka specifikuar datë konkrete për heqjen e masave. “Mendoj se do të ndodhë së shpejti, me faktin se po lutem që të mos ketë ndonjë komplikim shtesë, që të mos bie në plan të dytë sepse është tani. gjëja e parë në agjendë”, tha Rashiq.

Ministri për Komunitete dhe Kthim Nenad Rashiq foli për gjendjen në veri, qëndrimin e institucioneve ndaj komuniteteve jo-shumicë dhe kthimit.

Qeveria e Kosovës në qershor kishte vendosur për ndalimin e hyrjes së mallrave nga Serbia, pas kidnapimit të tre policëve kufitar të Kosovës nga ana e Serbisë.
Policët pas disa ditë ndalimi në Beograd ishin liruar

The post Rashiq: Shumë shpejt do të hiqet vendimi për ndalimin e mallrave serbe appeared first on TËVË 1 - Lexoje të vërtetën!.

Ata në fshatin Leshak kanë takuar disa banorë ku edhe kanë biseduar me qytetarët.

Krasniqi përmes një postimi në Facebook, ka bërë të ditur se kanë takuar edhe  familjen të cilës i është djegur ferma bashkë me disa krerë gjedhe, të cilës i kanë premtuar mbështetje.

“Bashkë me ministrin Nenad Rashiq sot ishim për vizitë në Leposaviq. Në Leshak, takuam dhe biseduam me qytetarë për problemet dhe kërkesat e tyre. Vizituam edhe familjen të cilës si pasojë e zjarrit i është djegur ferma bashkë me disa krerë gjedhe brenda saj. Përkushtimi i tyre në sektorin e bujqësisë dhe blegtorisë është i madh, serioziteti i tyre në punë është i lartë andaj ne do të ju qëndrojmë afër në mënyrë që të ju lehtësojmë punën dhe përmirësojmë kushtet”, ka shkruar ai, përcjell teve1.info

Krasniqi ka njoftuar se gjatë ditës, me drejtorin për Kulturë, Rini dhe Sport në Komunën e Leposaviqit, Nenad Radosalevic, vizituam Qendrën Sportive të Komunës, e cila është iniciuar si projekt qeveritar në vitin 2015 dhe ka mbetur ende pa u përfunduar.

The post Krasniqi e Rashiq vizitë në Leposaviq appeared first on TËVË 1 - Lexoje të vërtetën!.