Protestuesit po kërkojnë largimin e Edi Ramës. Ata i ftuan qytetarët nga i gjithë vendi t’i bashkohen tubimit të radhës në Bulevardin “Dëshmorët e Kombit”.

“Një mesazh shumë të rëndësishëm për të gjithë shqiptarët. Të gjithë të shtunën më datë 27 qershor kemi protestën e radhës kombëtare. Ftojmë shqiptarët nga të gjitha qytetet të bashkohen në mënyrë masive për të treguar forcën e popullit shqiptar. Mos harroni se kur Shqipëria administrative është mirë, është më mirë edhe Kosova dhe Ilirida. Ne nuk jemi këtu për ta dorëzuar shtetin shqiptar, por për ta bërë më të mirë. Data 27 qershor është protestë kombëtare për t’ju thënë këtyre se ju erdhi fundi”, thanë ata.

Organizatorët deklaruan se tubimi i së shtunës do të shënojë një fazë të re të lëvizjes qytetare. Ata u kërkuan pjesëmarrësve që të angazhohen për të sjellë sa më shumë qytetarë në Tiranë, duke e konsideruar protestën si një moment vendimtar për vijimin e kauzës së tyre.

Në fjalimet e mbajtura para protestuesve u theksua se mobilizimi nuk duhet të kufizohet vetëm në kryeqytet, por duhet të përfshijë qytetarë nga çdo cep i vendit. Organizatorët i ftuan të gjithë ata që mbështesin kërkesat e protestës të marrin pjesë në tubim, duke e cilësuar atë si një shprehje të pakënaqësisë qytetare dhe një mesazh të drejtpërdrejtë ndaj institucioneve.

Sipas tyre, protesta e 27 qershorit synon të jetë më e madhja e organizuar deri më tani, me pjesëmarrje nga qytete të ndryshme të vendit, ndërsa u bë apel që gjithçka të zhvillohet në mënyrë paqësore dhe me respekt ndaj rendit publik.

Prej 26 ditësh, qytetarët protestojnë çdo mbrëmje në Tiranë, duke kërkuar dorëheqjen e kryeministrit Edi Rama dhe duke kundërshtuar politikat e qeverisë. Gjatë kësaj periudhe janë zhvilluar marshime në rrugët kryesore të kryeqytetit, janë mbajtur fjalime dhe janë artikuluar kërkesa për ndryshime politike.

Organizatorët kanë bërë të qartë se protestat nuk do të ndalen dhe se protesta mbarëkombëtare e 27 qershorit shihet prej tyre si një moment kyç për zgjerimin e pjesëmarrjes qytetare. Ata kanë theksuar se synimi është vijimi i protestave deri në realizimin e kërkesave të tyre.

The post Nesër protestë kombëtare në Shqipëri appeared first on TËVË 1 - Lexoje të vërtetën!.

Në një njoftim të përbashkët, Sindikata e Pavarur e RTK-së, Sindikata e Punëtorëve të RTK-së dhe Shoqata Sindikale e Radio Kosovës shprehën pakënaqësinë ndaj mosalokimit të plotë të pagave, duke theksuar se deri më tani nuk është ofruar asnjë zgjidhje konkrete nga organet drejtuese.

Sipas sindikatave, vonesat në pagesa kanë vështirësuar gjendjen financiare të qindra punëtorëve dhe familjeve të tyre, të cilët po përballen me vështirësi në përmbushjen e obligimeve të përditshme.

Organizatorët theksojnë se punëtorët nuk duhet të mbajnë përgjegjësi për problemet financiare dhe organizative të institucionit dhe se pagesa e rregullt e pagave është një e drejtë themelore e tyre.

Përmes kësaj proteste, sindikatat u kanë bërë thirrje të gjithë punëtorëve të RTK-së që të bashkohen në mbrojtje të të drejtave të tyre, dinjitetit profesional dhe sigurisë ekonomike.

The post Nesër protestë e punëtorëve të RTK-së për pagat e papaguara appeared first on TËVË 1 - Lexoje të vërtetën!.

The post Dita e katërt e protestës për Zvërnecin, nis mbledhja e qytetarëve në sheshin “Skënderbej” appeared first on TËVË 1 - Lexoje të vërtetën!.

Madje, sipas një njoftimi të Federatës Sindikale të Punëtorëve Teknikë të Sektorit Privat të Kosovës, nëse nuk arrihet marrëveshja për rritjen e pagave, punëtorët kanë deklaruar se në mënyrë kolektive do të largohen nga shërbimi për sigurimin e UP-së.

“Pas takimit të djeshëm të kryesisë së Sindikatës me rektorin e Universitetit të Prishtinës, ku rektori i UP-së u deklarua se pagat e punëtorëve teknikë dhe ato të sigurimit fizik nuk do të ndryshojnë deri në gusht të vitit 2027, kryetari i Shoqatës së Punëtorëve të Sigurimit Fizik në UP, Arsim Xhinovci, njofton Federatën Sindikale të Punëtorëve të Sektorit Privat të Kosovës se do të fillojnë me protesta dhe greva të menjëhershme. Dhe nëse nuk arrihet marrëveshja për rritjen e pagës, punëtorët deklarohen se në mënyrë kolektive do të largohen nga shërbimi për sigurimin e Universitetit të Prishtinës, pasi që pagat e tyre janë paga qesharake”, thuhet më tej në njoftimin e FSPTSPK.

The post ​Punëtorët teknikë dhe të sigurimit fizik në UP pritet të hyjnë në grevë appeared first on TËVË 1 - Lexoje të vërtetën!.

Protesta ishte thirrur nga Aleanca për Ardhmërinë e Kosovës (AAK), lider i së cilës është Haradinaj, ndërsa u përkrah edhe nga partitë tjera opozitare dhe shoqatat e dala nga lufta e UÇK-së.

Kryeministri i tanishëm Haradinaj ishte ndaluar më 4 janar 2017 nga policia franceze, për shkak të fletarrestit nga Serbia për kinse krime lufte, gjë e cila çoi në protesta të mëdha në të gjitha qytetet shqiptare dhe qytetet e mëdha evropiane.

Haradinaj u lirua nga gjykata franceze e Colmar, më 27 prill 2017./kp

The post ​Nëntë vjet nga protesta gjithëpopullore për lirimin e Haradinajt appeared first on TËVË 1 - Lexoje të vërtetën!.

Dy orët e para të mësimit nuk do të zhvillohen, ndërsa procesi mësimor do të rifillojë rregullisht nga ora e tretë, sipas orarit të zakonshëm. Ndërrimi i pasdites do të zhvillojë mësimin normalisht.

Sic thuhe tnë një deklaratë të përbashkët të Shoqatës Sindikale të ShFMU “Pavarësia”, Këshillit Drejtues të Shkollës dhe Këshillit të Prindërve, protesta organizohet si reagim ndaj veprimeve të papranueshme të disa nxënësve gjatë procesit edukativo-arsimor, përfshirë dhunën fizike, fyerjet, sharjet dhe ofendimet ndaj mësimdhënësve. Siç theksohet në deklaratë, këto veprime cenojnë autoritetin, sigurinë dhe dinjitetin e mësimdhënësve, si dhe dëmtojnë mbarëvajtjen e procesit mësimor.

Organizatorët nënvizojnë se fenomeni nuk është i izoluar, por po shfaqet në shumë shkolla, dhe përmes kësaj proteste synohet të kërkohet angazhim serioz institucional dhe shoqëror për ta parandaluar dhe trajtuar me përgjegjësi.

The post Nesër protestë dy-orëshe në shkollën “Pavarësia” appeared first on TËVË 1 - Lexoje të vërtetën!.

Sipas njoftimit të publikuar në rrjetin social Facebook, protesta do të mbahet të premten, më 6 shkurt, duke filluar nga ora 13:00, ndërsa grumbullimi i protestuesve do të bëhet para ndërtesës së KEDS-it.

Organizatorët kanë ftuar qytetarët që t’i bashkohen protestës, me qëllim të kundërshtimit të paralajmërimit për rritje të çmimit të rrymës, e cila, sipas tyre, do të rëndonte edhe më shumë jetën e qytetarëve.

Ndryshe, në fund të muajit janar, kompania për furnizim me energji elektrike KESCO ka kërkuar rritje prej 21.3 për qind të çmimit të energjisë elektrike për vitin 2026./teve1.info/

The post Të premten mbahet protestë kundër rritjes së çmimit të rrymës appeared first on TËVË 1 - Lexoje të vërtetën!.

Marshi do të mbahet më 17 shkurt, duke filluar nga ora 14:00, në hapësirën publike të miratuar nga autoritetet komunale, në përputhje të plotë me kërkesën e paraqitur nga organizatorët dhe me legjislacionin në fuqi.

Sipas dokumentit zyrtar të lëshuar nga Komuna e Prishtinës, leja është dhënë për përdorimin e hapësirës publike në orarin e kërkuar, duke garantuar mbarëvajtjen e aktivitetit në mënyrë paqësore dhe të rregullt.

Platforma “Liria ka Emër” u ka bërë thirrje qytetarëve të Prishtinës dhe mbarë Kosovës që t’i bashkohen këtij marshi paqësor, si shprehje e kërkesës për drejtësi të paanshme për ish-krerët e Ushtrisë Çlirimtare të Kosovës, të cilët po mbahen në paraburgim në Hagë për më shumë se pesë vite.

“Ky marsh është një thirrje qytetare për respektimin e parimeve të drejtësisë, dinjitetit njerëzor dhe për ndarjen e qartë të drejtësisë nga politika”, thuhet në njoftimin e Platformës “Liria ka Emër”.

The post Marshi i 17 shkurtit – “Liria ka Emër” siguron leje nga Komuna e Prishtinës appeared first on TËVË 1 - Lexoje të vërtetën!.

Në njoftim theksohet se kërkesat e punëtorëve janë tashmë të njohura, por menaxhmenti dhe institucionet përgjegjëse nuk kanë dhënë një përgjigje konkrete dhe serioze.

Kryesia e sindikatës ka vendosur unanimisht organizimin e protestës për realizimin e këtyre kërkesave.

“Gjatë protestës do të prezantohet një SURPRIZË lidhur me shumën e kërkesës për rritjen e pagave, e cila do të bëhet publike në vetë protestën. Pa punëtor nuk ka energji. Pa dinjitet nuk ka KEK. Ftojmë punëtorët e KEK-ut, mediat dhe qytetarët që të jenë pjesë e kësaj proteste,” thuhet në njoftim.

The post Punëtorët e KEK-ut protestojnë sërish sot, paralajmërojnë një “surprizë” appeared first on TËVË 1 - Lexoje të vërtetën!.

Përmes një postimi në Facebook, Ahmeti bëri thirrje për pjesëmarrje masive në tubimin që do të mbahet nesër, më 13 dhjetor, në orën 13:00, në Sheshin “Skënderbeu” në Shkup.

Ai theksoi se protesta ka për qëllim kërkesën për drejtësi dhe hedhjen poshtë të akuzave që ai i quajti të fabrikuara nga Serbia dhe Rusia. Ahmeti shtoi se pjesëmarrja është një akt përgjegjësie për nderimin e sakrificës dhe mbrojtjen e së vërtetës historike:

“Nesër, më 13 dhjetor, në orën 13:00, në Sheshin ‘Skënderbeu’ në Shkup, bashkohemi për një qëllim të qartë: kërkesën për drejtësi dhe hedhjen poshtë të akuzave të fabrikuara të Serbisë dhe Rusisë.
Ne dalim me përgjegjësi, për të nderuar sakrificën dhe për të mbrojtur të vërtetën e historisë sonë.
Liria ka emër, UÇK. Dhe ky emër mbetet pjesë e identitetit dhe dinjitetit tonë kombëtar.
Ju ftoj të gjithëve që nesër të jemi bashkë.”

The post Ali Ahmeti përkrah protestën e OVL-UÇK-së në Shkup, bën thirrje për pjesëmarrje appeared first on TËVË 1 - Lexoje të vërtetën!.