Prokuroria Themelore në Pejë ka njoftuar se pas pranimit të një videoje nga një qytetar, ku shihet një person duke ushtruar dhunë ndaj një viktime, prokurorja kujdestare ka autorizuar menjëherë Policinë e Kosovës për identifikimin e personave të përfshirë dhe ndërmarrjen e veprimeve të nevojshme hetimore.

Sipas njoftimit të prokurorisë, hetuesit e Stacionit Policor në Pejë kanë shoqëruar në polici personin e dyshuar dhe viktimën, ndërsa pas intervistimit, i dyshuari është ndaluar për 48 orë.

Rasti u bë publik pasi në pamjet e siguruara nga mediat lokale shihej një burrë i moshuar duke e goditur me grushte një grua, teksa të dy ndodheshin të ulur në një ulëse në shëtitoren pranë lumit në Pejë.

Lidhur me rastin, zëdhënësi i Prokurorisë Themelore në Pejë, Shkodran Nikçi, kishte konfirmuar më herët për Teve1 se prokuroria e kishte pranuar videon dhe kishte autorizuar Policinë për ndërmarrjen e veprimeve të nevojshme.

Në reagimin e saj, Prokuroria Themelore në Pejë ka falënderuar qytetarët për bashkëpunimin në raportimin e rasteve që bien ndesh me ligjin, duke theksuar se në bashkëpunim me Policinë e Kosovës do të vazhdojë të ndërmarrë veprimet e nevojshme ligjore për trajtimin e rasteve të tilla.

Hetimet lidhur me rastin pritet të vazhdojnë, ndërsa autoritetet nuk kanë bërë të ditura hollësi të tjera për rrethanat e ngjarjes.

The post Pejë: Ndalet për 48 orë i dyshuari për dhunën ndaj gruas në shëtitoren pranë lumit appeared first on TËVË 1 - Lexoje të vërtetën!.

Pamjet e siguruara nga mediat lokale tregojnë një burrë të moshuar duke e goditur me grushte gruan, teksa të dy shihen të ulur në një ulëse në shëtitoren pranë lumit.

Lidhur me këtë rast, zëdhënësi i Prokurorisë Themelore në Pejë, Shkodran Nikçi, ka konfirmuar për Teve1 se prokuroria ka qenë në dijeni për videon dhe se ka autorizuar Policinë për ndërmarrjen e veprimeve të nevojshme.

“E kemi pranuar më herët këtë video. Pasi e kemi pranuar, menjëherë prokurorja kujdestare ka autorizuar Policinë për ndërmarrjen e veprimeve”, ka deklaruar Nikçi.

Ndërkohë, Teve1 ka kontaktuar edhe Policinë për të marrë informacione shtesë lidhur me rastin, por deri në publikimin e këtij lajmi është në pritje të një përgjigjeje.

Për rastin pritet të ndërmerren veprime të mëtejshme nga organet kompetente, ndërsa deri më tani nuk janë bërë të ditura hollësi të tjera lidhur me rrethanat e ngjarjes.

The post Dyshohet se goditi një grua me grushte në shëtitoren e Pejës, Prokuroria autorizon Policinë për veprime appeared first on TËVË 1 - Lexoje të vërtetën!.

Sipas njoftimit të KFOR-it, projekti u realizua nga Ekipi për Bashkëpunim Civilo-Ushtarak (CIMIC), në kuadër të Komandës Rajonale në Perëndim (RC-W).

Ceremonia e pranim-dorëzimit u drejtua nga komandanti i RC-W-së, koloneli Giuseppe De Blasi, dhe drejtori ekzekutiv i Agjencisë së Menaxhimit të Emergjencave (AME), Shefki Abdullahu.

Automjeti i tipit pickup, i pajisur me një sistem të avancuar për shuarjen e zjarreve, pritet të ndihmojë në forcimin e kapaciteteve operacionale të zjarrfikësve në Pejë dhe në përmirësimin e reagimit ndaj rasteve emergjente.

KFOR-i theksoi se kjo nismë është pjesë e përkushtimit të vazhdueshëm të misionit për bashkëpunim me institucionet vendore dhe mbështetjen e projekteve që u shërbejnë komuniteteve lokale në Kosovë.

The post KFOR-i forcon kapacitetet e zjarrfikësve në Pejë, dhuron automjet për shuarjen e zjarreve appeared first on TËVË 1 - Lexoje të vërtetën!.

“Pas intervistimit, me vendim të prokurorit, i dyshuari është liruar në procedurë të rregullt”, thuhet në raportin 24-orësh të Policisë.

The post Arrestohet një person në Pejë, dyshohet se kreu marrëdhënie seksuale me të miturën appeared first on TËVË 1 - Lexoje të vërtetën!.

Sipas Policisë së Kosovës, rasti ka ndodhur më 1 tetor, rreth orës 20:00, në rrugën “Kadri Bajri” në Pejë.

Policia është njoftuar për një mosmarrëveshje, ku dyshohej se ishin përfshirë disa persona. Njësitë policore kanë dalë në vendin e ngjarjes dhe kanë ndërmarrë veprimet e nevojshme hetimore.

Gjatë kontrollit te dy personat e dyshuar, policia ka gjetur dhe sekuestruar:

një pistoletë të llojit CZ;

një pistoletë të llojit Zoraki;

dy karikatorë;

17 fishekë të kalibrave të ndryshëm.

Pas intervistimit dhe përfundimit të procedurave policore, me vendim të organeve kompetente, të dyshuarit janë dërguar në mbajtje për 48 orë.

Rasti është duke u hetuar nga njësitë përkatëse të Policisë së Kosovës.

The post Dy persona arrestohen në Pejë, iu konfiskohen dy armë dhe 17 fishekë appeared first on TËVË 1 - Lexoje të vërtetën!.

Zëdhënësi i Policisë për Rajonin e Pejës, Driton Rugova, ka bërë të ditur për tëvë1.info se rasti është raportuar rreth orës 09:30, pasi Emergjenca e Spitalit Rajonal në Pejë ka njoftuar Policinë se në spital ishte pranuar një fëmijë pa shenja jete.

Pas marrjes së informacionit, njësitet policore kanë dalë në vendin e ngjarjes në Treboviq, si dhe në Spitalin Rajonal në Pejë, me qëllim të sqarimit të rrethanave të rastit.

Për rastin është njoftuar edhe Prokurori i Shtetit. Sipas Policisë, me urdhër të prokurorit, trupi i pajetë i fëmijës u është liruar familjarëve për ceremoninë mortore.

Rrethanat e vdekjes mbeten nën hetim.

“Më datën 29.09.2026, rreth orës 09:30, Policia është njoftuar nga Emergjenca e Spitalit rajonal në Pejë se është pranuar një fëmijë pa shenja jete. Njësitet policore menjëherë kanë dalë në vendin e ngjarjes, në fshatin Treboviq-Pejë, si dhe në Spitalin rajonal në Pejë, me qëllim të sqarimit të rrethanave që kanë të bëjnë me rastin. Lidhur me rastin është njoftuar Prokurori i Shtetit. Me urdhër të prokurorit, trupi i pajetë i viktimës iu është liruar familjarëve për ceremoni mortore”, thuhet në përgjigjen e tij./teve1.info/

The post Fëmija gjendet pa shenja jete në Treboviq të Pejës, policia nis hetimet appeared first on TËVË 1 - Lexoje të vërtetën!.

Në raportin e Policisë thuhet se rasti është raportuar në Polic nga babai i vajzës.

“Ankuesi m/k ka raportuar se vajza e tij f/k, është larguar nga shtëpia dhe ende nuk është kthyer. Rasti është duke u hetuar”, thuhet në raportin policor./teve1.info/

The post Zhduket një vajzë në Pejë appeared first on TËVË 1 - Lexoje të vërtetën!.

Në Podujevë, Ferizaj, Suharekë, Malishevë, Deçan, Gjilan, Mitrovicë, Vushtrri, Istog, Rahovec, do të protestohet me fillim nga ora 17:00.

Gjysmë ore më pas, nga 17:30, filluan protestat edhe në Kaçanik e Drenas. Kurse nga ora 19:00, qytetarët në Prizren do të mblidhen, në mbrojtje të UÇK-së.

Ndërsa dega e OVL-UÇK-së në Prishtinë do t’i bashkohet protestës që po mbahet tash e 10 ditë, nga ora 21:00, në sheshin ‘Skënderbeu’ në kryeqytet.

OVL-UÇK u ka bërë thirrje institucioneve komunale dhe qytetarëve që t’u bashkohen protestave, si dhe ka kërkuar nga spektri politik që të jetë unik dhe të fillojë hartimin e një strategjie kombëtare, që do të garantonte mbështetje të plotë për ish-krerët e UÇK-së deri në vendimin e Apelit.

Protesta në Prishtinë do të fillojë nga ora 21:00.

The post Përfundojnë protestat në 14 qytete të Kosovës, pas pak fillon Prishtina appeared first on TËVË 1 - Lexoje të vërtetën!.

Lajmin për tëvë1.info e ka konfirmuar zëdhënësi i policisë për rajonin e Pejës, Driton Rugova i cili tha se si pasojë e aksidentit, fëmija ka pësuar lëndime trupore dhe është dërguar në Spitalin e Përgjithshëm në Pejë për tretman mjekësor.

Sipas policisë, njësitë kompetente policore kanë dalë në vendin e ngjarjes dhe janë duke ndërmarrë veprimet e nevojshme hetimore për sqarimin e plotë të rrethanave të aksidentit.

“Sot, rreth orës 12:00, Policia është njoftuar për një aksident trafiku, i cili ka ndodhur në fshatin Vitomiricë- Pejë Në këtë aksident kanë qenë të përfshira një veturë dhe një këmbësor (fëmijë). Si pasojë e aksidentit, fëmija ka pësuar lëndime trupore dhe është dërguar në Spitalin e Përgjithshëm në Pejë, për të marrë trajtimin e nevojshëm mjekësor. Njësitet kompetente policore kanë dalë në vendin e ngjarjes dhe janë duke ndërmarrë veprimet e nevojshme hetimore për sqarimin e plotë të rrethanave të aksidentit”, ka deklaruar Rugova./teve1.info/

The post Vetura godet një fëmijë në Pejë, dërgohet në spital për trajtim appeared first on TËVË 1 - Lexoje të vërtetën!.

Rasti është raportuar në Policinë e Kosovës rreth orës 18:35. Sipas zëdhënësit të Policisë së Kosovës për rajonin e Pejës, Driton Rugova, në aksident janë përfshirë tri vetura.

“Sot rreth orës 18:35, Policia është njoftuar për një aksident trafiku i cili ka ndodhur në rrugën ‘Mbretëresha Teutë’ në Pejë. Në këtë aksident ishin të involvuara tri vetura dhe si pasojë e aksidentit gjashtë (6) persona kanë pësuar lëndime trupore. Të njëjtit janë dërguar në spitalin rajonal për tretman mjekësor”, ka njoftuar Rugova.

Të lënduarit janë dërguar për trajtim mjekësor në Spitalin Rajonal të Pejës.

Policia është duke u marrë me rastin, ndërsa ende nuk janë bërë të ditura rrethanat që çuan deri te aksidenti.

The post Gjashtë të lënduar në një aksident mes tri veturave në Pejë appeared first on TËVË 1 - Lexoje të vërtetën!.