Bislimi tha se Spanja është destinacion që i shtohet vendeve të zonës Shengen.

“Lajmet e mira vazhdojnë. Për qytetarët tanë dhe shtetin. DG Home ka njoftuar se tashmë edhe Spanja i njeh pasaportat e Republikës së Kosovës. Pra mund të udhëtojmë pa viza dhe drejt këtij shteti. Ndërsa me 1 janar nisi lëvizja pa viza, Spanja është destinacion që i shtohet vendeve të zonës Shengen ku mund të udhëtojmë përmes liberalizimit, e ku pengesë më herët ishte mosnjohja e pasaportës sonë. Vazhdojmë tutje, për të sjellë lajme të tjera të mira, e që ndikojnë pozitivisht për qytetarët tanë”, ka shkruar Bislimi në Facebook.

Spanja ka qenë vendi i vetëm i Schengen zonës që ka refuzuar t’i lejojë qytetarët e Kosovës të futen në territorin e saj për shkak të mosnjohjes së pasaportës.

Derisa, e njëjta vazhdon që të mos e njoh Pavarësinë e Kosovës, bashkë me Greqinë, Qipron, Sllovakinë dhe Rumaninë.

Ndërkaq, liberalizimi i vizave ka ndodhur më 1 janar, ku kosovarët tashmë kanë të drejtë të udhëtojnë lirshëm në zonën Schengen./teve1.info/

The post Spanja njeh pasaportat e Kosovës appeared first on TËVË 1 - Lexoje të vërtetën!.