Organizatorët e kësaj proteste nuk e përjashtojnë mundësinë që të dalin sërish në shesh nëse e shohin që protesta e parë nuk prodhon asnjë efekt.

“Ne së pari do të presim se çfarë do të ndodhë me protestën pastaj besoj që do të vazhdojmë prapë njëjtë nëse s’mirremi seriozisht”, tha Denis Krasniqi, organizator i protestës.

Krasniqi shpjegon edhe arsyen pse është vendosur që motoja e protestës të jetë: “S’po shkohet n’shkollë”.

“E kemi lënë këtë emër për shkak se ne duam me shku në shkollë, por fatkeqësisht qëtash s’është t’u u shku në shkollë për shkak se qëtash i kemi 34,4% të profesorëve ngacmues seksualë… duam me shku nëshkollë”, shtoi ai.

Njohësi i arsimit, Ismet Potera ka thënë që ka mungesë të cilësisë në arsim, andaj mund të ketë edhe pakënaqësi nga ana e nxënësve.

Sipas tij kërkesat e nxënësve janë gjithmonë legjitime.

Raporti i gazetares Valëza Sylejmani.

The post “S’po shkohet n’shkollë”, paralajmërohet protestë e re nëse nuk ka reflektim nga institucionet appeared first on TËVË 1 - Lexoje të vërtetën!.