Sipas iniciatorëve të këtij peticioni, tashmë po mbahet peticioni plotësues për mërgatën pasi ai për banorët rezident është kryer para një muaji.

Ilir Tasholli, njëri nga këta iniciatorë për KosovaPress tha se numri i nënshkrimeve të mbledhura deri tash është afro dy mijë, saktësisht 1800 sosh.

Ky fshat ka mbi 5000 banorë rezidentë, derisa me mërgatën arrin shifrën rreth 11 mijë.

“Numri i nënshkrimit afërsisht deri tani, domethënë ajo është afruar diku afër 2000, apo 1800-1800 e diçka. Pra, pritet që të shkojë aty diku afër 2000 nënshkrime…Gadimja ka mbi 5000 banorë rezidentë pa mërgatën, ndërsa me mërgatën ka diku rreth 11.000 banorë”, tha Tasholli.

Ai tha se Gadimja është ndër fshatrat më të mëdha të Lipjanit dhe se i plotëson të gjitha kriteret ligjore për t’u bërë komunë, derisa njoftoi se së shpejti pritet të kompletohet i gjithë dokumentacioni dhe t’i dorëzohet Ministrisë së Administrimit të Pushtetit Lokal.

Iniciatori i peticionit tregoi edhe benefitet që do t’i kishte fshati Gadime nëse do të bëhej komunë.

“Gadimja ka benefite, do të me e përfituar nga benefite të ndryshme edhe të drejtpërdrejta, për arsyen që ka një, një potencial të zhvillimit të turizmit fantastik, siç e ka shpellën, ka alpet këtu rreth e rrotull, të cilat mund të thejmi edhe realisht. Kështu që Gadimja, Gadimja i ka të gjitha, se ka, ka domethënë tokën bujqësore, e ka, i ka pyjet, e ka shpellën, i ka të gjitha këto të cilat mund… e ka daljen në autostradën Arbën Xhaferi këtu domethënë që shkon për Shkup, i plotëson. Edhe do, do ishte me benefit të jashtëzakonshëm që Gadimja të bëhej komunë në vete. Nuk ka as buxhet Lipjani”, tha Tasholli.

Më tëj, ai potencoi faktin se Komuna e Lipjanit nuk po ofron buxhet të mjaftueshëm për këtë fshat.

Mendimin e njëjtë me të Tashollit e ndajnë edhe banorë të tjerë të Gadimes.

Banori Arlind Zymeri për KosovaPress tha se ky fshat i ka gati të gjitha, derisa përmendi edhe disa investime të rëndësishme.

“Për mua Gadimja mundet me qenë komunë e veçantë se i ka të gjitha. E ka territorin, e ka shkollën e mesme, shkollën fillore, ambulancën, i mungojnë nga ato një postë edhe një bankë. Të tjerat i ka të gjitha…në Gadime janë ca gjëra që duhet me u rregulluar ende, siç janë trotuaret, ndriçimi e ca gjëra, ama përafërsisht i plotëson të gjitha”, tha Zymeri.

Ndërsa banori tjetër, Veton Alija për KosovaPress shpreh mendimin se më lehtë do të kuptohen banorët e kësaj zone mes vete, sa sa me Komunën e Lipjanit.

“Ndoshta mundemi me bërë llaf më kollaj mes vete këtë në Gadime se me shkuar në Lipjan, më afër i kemi disa sende. Kryejmë shërbimin më shpejt kështu. Edhe ndoshta nuk ikin disa sende, vendosim nga Gadimja besoj”, tha Alija.

Lidhur me këtë nismë, KosovaPress gjatë të mërkurës ka tentuar të kontaktoj edhe me Komunën e Lipjanit mirëpo deri në publikimin e këtij artikulli nuk kanë qenë të qasshëm.

The post ​Gadimja synon të bëhet komunë, mblidhen afro 2000 nënshkrime appeared first on TËVË 1 - Lexoje të vërtetën!.

Sipas Ministrisë së Financave, marrëveshja në vlerë prej 38 milionë euro synon rehabilitimin e 139 km të linjës hekurudhore, përkatësisht në sinjalistikë dhe telekomunikacion.

“Ky projekt pritet të ketë një ndikim të rëndësishëm në rritjen e shpejtësisë së udhëtimit dhe ngritjen e kapaciteteve për pasagjerë dhe mallra. Gjithashtu, investimet në linjën hekurudhore pritet të çojnë në një zhvendosje modale nga transporti rrugor në atë hekurudhor, si dhe të kontribuojnë në ndërlidhjen dhe integrimin e transportit rajonal në Korridorin Orient/Lindje-Mesdhe”, thuhet në njoftim.

Në njoftim bëhet e ditur se projekti ka financim të siguruar në vlerë mbi 137 milionë euro, nga të cilat 56 milionë janë grant nga Korniza Investive e Ballkanit Perëndimor, si dhe kjo marrëveshje e ngrit financimin e siguruar për këtë projekt në mbi 175 milionë euro.

Pas nënshkrimit të kësaj marrëveshje, Murati ka deklaruar se:  “rruga hekurudhore 10 është një nga linjat hekurudhore më të rëndësishme që lidh Kosovën me vendet e tjera dhe rehabilitimi i saj mbetet një prioritet i kahershëm. Marrëveshja që ne po nënshkruajmë zyrtarisht sot është e një rëndësie të madhe për të siguruar që ne të jemi të lidhur me partnerët tanë tregtarë dhe për të siguruar lëvizshmërinë midis vendit tonë dhe rajonit”.

Ndërkohë, Rivellimi ka deklaruar se: “krijimi i infrastrukturës moderne, të qëndrueshme dhe efikase të transportit është një parakusht për marrëdhënie më të forta ekonomike dhe kushte më të mira jetese”.

The post Kosova merr 38 milionë euro grant për rehabilitimin e hekurudhave në Kosovë appeared first on TËVË 1 - Lexoje të vërtetën!.