Në një postim në rrjetin social, Facebook, Mozzik ka ndarë edhe një citat nga Kurani ku shkruan: “O Zoti im, më dhuro prej Teje pasardhës të mirë. Vërtet, Ti je Dëgjues i lutjes.”

Ai ka shkruar gjithashtu: “Mezi pres të të takoj djali im”, duke shprehur emocionin për ardhjen e fëmijës së tij.

The post Mozzik zbulon se do të bëhet sërish baba appeared first on TËVË 1 - Lexoje të vërtetën!.

Në një postim në Facebook, ai ka thënë se rasti është i motivuar politikisht dhe se disa zyrtarë të Lëvizjes Vetëvendosje e kanë “çështje personale” me të.

“Moti kohë disa nga VV-ja e kanë personale me mua. Kjo që ndodhi me orën këto ditë ishte një lojë me skenar nga unë, por e vërteta është se ata e kanë bërë çështje personale me mua prej shumë kohësh – dhe këtë e dini edhe vetë,” ka shkruar Mozzik.

Ai ka akuzuar drejtpërdrejt ministrin e Financave në detyrë, Hekuran Murati, dhe kryetarin e Kuvendit, Dimal Basha, duke thënë se zyrtarët e Doganës në Aeroportin e Prishtinës kanë qenë nën presion nga ta për ta ndalur.

“Personat që ishin në detyrë atë natë, mos u frikësoni! Dilni dhe tregoni hapur, ashtu siç ma keni thënë mua vetë, që keni pasur presion prej Hekuranit e Dimalit për të më ndalur në aeroport. Dilni dhe kallxoni se kjo ishte sulm politik – sepse nuk ka asgjë për t’u turpëruar,” ka shtuar ai.

Mozzik ka theksuar se të ardhurat e tij nuk kanë ardhur nga droga apo hajnia, por vetëm nga muzika dhe talenti i tij, duke ironizuar se “me orë fallco nuk mundet askush ta tatimojë me mijëra euro”.

Në fund, ai i ka drejtuar pyetje kryeministrit të Kosovës, duke thënë se dëshiron të dijë nëse ky është në dijeni për, siç i ka quajtur ai, inatet personale të disa zyrtarëve të Vetëvendosjes ndaj tij.

The post Mozzik: Sekuestrimi i orës ‘Richard Mille’ ishte sulm politik, disa zyrtarë të VV-së kanë çështje personale me mua appeared first on TËVË 1 - Lexoje të vërtetën!.

Pak ditë më parë, ai u pa me një orë të markës së njohur ‘Richard Mille’, por në rrjet qarkulluan spekulime se ora që mbante ishte false.

Përballë këtyre zërave, Mozzik ka zgjedhur të reagojë me ironi. Në një story të publikuar në Instagram, ai ka postuar një video ku thjesht ka qeshur me mbishkrimin: “Hahahahhahaha”, duke mos e marrë seriozisht këtë akuzë.

The post U tha se ora e Mozzik-ut është false, reagon reperi appeared first on TËVË 1 - Lexoje të vërtetën!.

Dogana e Kosovës reagoi duke njoftuar se gjatë kontrollit në Kanalin e Gjelbër janë zbuluar dhe ndaluar përkohësisht dy orë të pa deklaruara nga një udhëtar, një “Richard Mille” dhe një “Rolex”, me vlerë totale 1.340.027,50 euro.

“Janë zbuluar dhe ndaluar përkohësisht dy orë luksoze, të cilat nuk ishin deklaruar nga një udhëtar gjatë kalimit në Kanalin e Gjelbër”, thuhej në reagimin e Doganës.

Por pas verifikimeve rezultoi se ora që u prezantua si “Richard Mille” ishte e rreme. Këtë e bëri të ditur shoqëria e avokatëve “Vokshi&Lata”, që përfaqëson ligjërisht kompaninë zvicerane “Richard Mille”.

“Ora e ndaluar në Doganën e Kosovës nuk është origjinale Richard Mille”, thuhet në reagim. Avokatët bënë të ditur se pas verifikimit zyrtar të kryer nga kompania “Richard Mille” është konfirmuar se ora është falsifikat dhe se rezultatet tashmë janë komunikuar me Doganën e Kosovës. “Rezultati është komunikuar tashmë zyrtarisht me Doganën e Kosovës dhe procedurat ligjore do të vazhdojnë”, theksohet në reagim.

The post Ora e Mozzik-ut e sekuestruar nga Dogana del të jetë false appeared first on TËVË 1 - Lexoje të vërtetën!.